تستخدمين الشمر تعالي هنا بقولك سر خطير

السلام عليكم ورحمة الله وبركاته..
كيفكم فروشات؟..
تمام إن شاء الله..
وكيفكم مع طريق الرشاقة المليء بالصعوبات والعقبات..
الله يعيننا وإياكم..
المووهيم..
أنا من الناس اللي سمنتها متركزة في الأرداف وجسمي من فوق نحيف ومافيه أي مشكلة وجربت أسوي رجيم بس يطلع شكلي تحفة انحف زيادة من فوق ومن تحت مايتحرك قدر أنملة..
حتى المشي والرياضة استمريت عليها أكثر من شهرين وماحركت فيني انش واحد..
وسمعت مره دكتور مشهور يقولك الشمر مفيد لا ويشد كمان عاد أنا ماصدقت وطيراان ع قوقل أشوف تجارب البنات.. ولقيت شي يشجع ويفتح النفس ورجع لي الأمل..
وتورح أختكم في الله واشترتلها الشمر وغسلتو وزبطتو وكل شي وكنت اكلو مع الزبادي..
ولكن..!!
بعد فترة من الاستخدام اقل من اسبوع تقريبا لاحظت شي غريب..!
لاحظت أن الأرداف كبرت شويتين..! وتنانيري ضاقت علي..!
وحتى صدري كبر بس طنشتو مافكرت كثير..
قلت يابنت مالك الا الشمر كثثري منو..
وربي رحمني قبل لاأتورط أكثر دخلت واحد من المنتديات وقريت موضوع لأحد الأخوات كانت تحذر فيه من الشمر وقالت انو لخبطلها الهرمونات وهي الحين تتعالج عشان تحمل وكلو بسبب الشمر..
وقالت ان دكتورها هزئها وقالها انتم السعوديات تاكلون الأعشاب وتخلطونها ع جهل ودق بالكلام<< احم معاه حق ..
المصيبة الأكبر انها قالت ان الشمر كبر لها صدرها وأردافها..
هنا أنا خلاص بغيت أموت وقلت لا..
وهي المسكينة استخدمتو فترة طويلة عشان كذا بان فيها زين..
ومو بس كذا..
جدتي الله يحفظها استخدمت الشمر سمعت ان مفيد ومن ذا الكلام..
وبعد فترة جات تقول والله مادري اش فيني احس ان صدري كبر وفخوذي كبرت..
عاد أنا مت ضحك عليها.. ولا تسألون عنها يوم قلنالها انو من الشمر..
المهم ياحبيباتي يعلم الله اني ماكتبت تجربتي ذي الا عشاني خايفة عليكم تتورطون زي ماورطت..
حسبي الله ونعم الوكيل وأنا الآن استخدم شي موضعي للأرداف بعد ماكبرت زيادة وانهلكت معاها..
وأوعدكم إن شاء الله اذا شفت فايدة من اللي استخدمو راح اقولكم..
ولاتنسون ان صحتك أهم من كل شي واذا راحت العافية _لاقدر الله_ اش ينفعك وقتها..
الله يوفقني واياكم وينولنا مرادنا..