تسلم ايدك ياحرووم قسم ان حلاتس اطلز حلا فديتك التفاصيل بالداخل

السلام عليكم ..
اول بقولكم سالفتي ..
رحت لأهلي البارح الساعه 12 بالليل < مسكت معي الا توديني الحين
ورحت وهناك لقيت اهلي وعاد جتكم السنعة قلت بفاجأهم بحلا وادخل المطبخ .. وقربع قربع قربع ..
وريحة القهوة تفوح ..
واجي وانا وصينيتي الصغيرونة ..
والتفت يمين مافي احد
والتفت يسار برضو مافي احد
وهدوء يعم المكانة
لو ماشاءالله كلن طلع ونام
قلت ايه الشرهه مو عليكم ع اللي بيسوي لكم حلا ..< ماشاءالله مفلله نوم وتحسب كل الناس مثلها
وافتح الاب واطقطق واحلي
عشان كذا لا تستغربو العنوان .. مالقيت احد يمدحني قمت امدح روحي وارفع منها
بس عاد والله انه حلاي شيء يهبل ياحوبيلي بس
ولا الاحلى انه من اختراعي هذا المقادير اللي لقيته عند اهلي ومافيني حيل اقعد اطلبهم يجيبون اغراض كني اطلب الجنه < شباب هالحين ماينفع
ماتحسون اني خرجت عن الموضوع خ
المقادير & الطريقة,,
للصينيه البايركس اصغر حجم زين
ط1: بسكوت شاي مغمس بحليب < ادبليها يعني حطي بسكوتين فوق بعض ..
ط2: قشطة + شكولاته نوتيلا سايحة ..
ط3: بسكوت جوزاء مغمس بحليب ..
ط4 : كوب حليب مغلي معه ظرفين كريم كراميل
صبيه بالخلاط ع علبة قشطة وباكيت بسكوت كامل وملعقة نسكافيه .. وشغلي الخلاط
وثم صبيه فوق الجوزاء ..
وبالثلاجة ..
وربع ساعة وهو جاهز
يجن حلاه خفيف وهو كمان خفيف .. وسريع مرة ..
اهم شي الفنجال التراثي هع
..
لحظة ماخلصنا ..
وقبل امس مسكت معي مع آذان الفجر الا واسوي كب كيك .. اشتهيته مرة ..
عادي حالة الوحم الكاذب
الطريقة :
كيك بيتي كروكر بالشكولاته الجاهز للخبز ..
سويه مثل التعليمات بالضبط وصبيه في قوالب الكب كيك بعد ماتحطي البليسيه ..
دقائق وهو منتفخ ..
طلعيه وبرديه وجهزي الخلطة اللي فوق ..
كوب كريمة خفق باردة + ضرفين دريم ويب + ثلاث ملاعق شكولاتة نستله ..
واخفقيها وعبيها بالقمع وارسمي وشخبطي ع كيفك .. شوارع & دوار & جبل ... اللي يجي بخاطرك
انا شخبطت لأن القمع اللي عندي مايساعد للتفنن
ودخليها الثلاجة تبرد تماما .. وبس
لحظة باقي
ذاك اليوم طبقت حلا من حلويات فروحة الإمارات ربي يسعدها
يجن خفيف مرة يناسب حلا عشاء
اسمه حلا السويت الأحمر
http://alfrasha.maktoob.com/alfrasha31/thread1595744/
لحظة .. لحظة باقي ماخلصت
باقي ردودكم الحلوة
مع السلامة