تسوقي باحتراف اعروسات الرياض

اهلا وسهلا بالغالين
بعد دوران وافترار شبة يومي لأسواق الرياض خلال تخفيضات الصيف جبت لكم خبرتي المتواضعه
لأني بالعادة أتسوق للمناسبات كم محل واطلع
ولما جا الصيف وتخفيضاته حددت وش ناقصني خاصة بعض القطع اللي ما انلبست بالدولاب بعذر اني مالقيت شي يناسبها
وغير كذا حددت الأساسيات اللي لازم اشتريها كل سنه بالتخفيضات ( بنطلون جينز واسود وملابس للبيت )
بالنسبه للماركات العالميه DIOR - GUCCI وغيرها افضل لك تشترين من النت او من بوتيكاتهم اللي تكون في المطارات لوسافرت بالصيف ارخص لك وتضمنين ان الكولكشن لسا طازا
بأحدد الموضوع في نقاط أسهل للقرأة وتنظيم الأفكار >> تكفين لاعاد تكتبين مواضيع
1- المحلات اللي تسوي تخفيضات طوال السنه
محلين بس في لي مول Terranova و next
فرع تيرانوفا بضائعة اقل من 50 ريال وتلقين فيه شغلات حلوه خاصة ملابس البيت للمتزوجات
ونكست فيه قطع حلوه خاصة للاطفال لاني مااحب ملابسة النسائية
2- افضل محلات تستغلين تخفيضاتها
اهم شي بنظري محلات اللانجري خاصة La Senza لما يسوون عرض على ال bras تاخذين 2
بأقل من 100 ريال والبانتي تكون أسعارها أقل من 30 ريال
محلات الأحذية وانتو بكرامة ماراح تشوفين تخفيض كبير الا في Charles & keith لأني قارنت الاسعار قبل وبعد بينهم فرق كبير
وغيرهم من المحلات خذي لك سليبر للبيت او ابوات للشتاء
وللأطفال Mothercare بالتخفيض جزم الاطفال تكون اسعارها حلوه وAdams اسعاره جدا حلوه تشجعك انك تشترين نص المحل
3- لاتنسي الشتاء
غالبا ماتلقين قطع شتويه في التخفيض وتقولين تو الناس اقولك خذي لك قطع اساسيه مثل بلوفر ناعم او سكارف او جاكيت جينز
4 - اشتري الرخيص ونسقيه بذوق
ماتخلا المحلات من التوبات القطن وأفضل محل يبيع بديات قطن Urban Behavior روعه لأن غالبا ماتكون فيها قطعه داخليه تشد الصدر مثل اللي تكون بمحلات اللانجري وبالتخفيض سعرها حلو
اشتري لك توبات قطن او ساتان واشتري معهم leggings القطنية كذا لون ونسقيهم واستخدميهم بجامات للنوم
واشتري فستان ساده وخذي معه حزام بلون حلو
ولاتنسين تأخذين لك تيشيرت بلون مو موجود عندك وخذي معها فلات بنفس اللون والبسيهم مع جينز
5- اشتري الاساسيات
مثل ماقلت بأول الموضوع اشتري لك قطع مضمونة الكرف خاصة بنطلون الجينز والاسود الرسمي والتيشيرت حتى لو ماكان تخفيضها كبير يكفي ان السعر نزل لو شي بسيط خاصة GAP تخفيضهم موذاك الزود بس البنطلون يستاهل
6- التخفيضات الجاية
التخفيضات ان شاء الله راح تكون من نص شهر 1 ميلادي الى اخر شهر 2 وتلقين التخفيض على الملابس الربيعية والشتويه
تم بحمد الله واللي عندها اضافة ياليت تضيفها مشكوره
بيرشكا .. تخفيضاتهم تستاهل ..غالبا ماتلقين شي .. لان القطع تخلص قبل التخفيض اذا عجبتك قطعه اخذيها لان وقت التخفيض بتكون طارت
الدو تخفيضاتهم حلوه على الاكسسوارت
كوتش للهاند باق .. تخفيضاتهم روعه سجلي اسمك بالمحل ووقت التخفيض يرسلون لك مسج بالموبايل
اخر مره كان عامل تخفيض 60% على المحافظ ... يعني السعر من 1000 الى 400 ريال واو سعر خيال
اما شنطة اليد غالبا التخفيض يكون 30 % او 40% بس من جد يستاهل
منقول