تسوين ريجيم ووزنك ثابت انا اعلمك ليه اقلطي وشوفي بنفسك الاسباب

1. مرحبا بنوتات كيفكم يااحلى رشيقات بإذن الله .....


2. انتبهوا مو كلها بوقت واحد لالا يعني انوع بس هذا حدودي بالاكل

مرحبا بنوتات كيفكم يااحلى رشيقات بإذن الله .....

حبيباتي الموضوع باين من عنوانه وهي مشكلة ثبات الوزن الله يجيرنا منها ...
اكيد اغلب البنات مسوين ريجيم ورياضه ومتبعه الانظمه يدون اي لخبطه بس مع ذلك مانقصت الشي اللي هي تطمح له !! كبدايه ممكن تنزل بحدود من 2 الى 3 كيلوا بالاسبوع وبعدين يتوقف او انو ممكن حتى مع البدايه يثبت ولا ينزل...
اللي ابي اوصله من هالموضوع ان حنا كلنا نجي هنا وكل وحده تفيد الثانيه بتجاربها وبافكارها ونتناقش وش هي الاسباب حتى نتوصل لحل سليم يرضى البنوتات الحبوبات ...
وانا وحده من هالبنات اللي يعانون من هالشي والله يابنات وهذا حلفت بالله اني مسويه ريجيم لي 3 اسابيع بديت الاسبوع الاول بريجيم التمر ونقصت عليه 3 كيلوا وغيرته لانه متعب وانا وحده وراي دوام بالجامعه مو معقوله ارهق نفسي وبدل مااضعف اطلع لي بمشكله ثانيه المهم الاسبوع الثاني غيرت النظام ونقصت عليه 1 كيلوا بس وهذا انا بالاسبوع الثالث ولا تغير اي شي بالمره مع العلم ياخواتي اني امشي تقريبا يوميا حول الساعه من بديت الريجيم ولا قطعت المشي الى هاللحظه واحيانا يزيد على الساعه وارقص حول النص ساعه وعلى الجهاز الرياضي كمان نص ساعه وماني حاسه الا بتغير بسيط جدا البعض قالوا لي ان انا واللي حواليني يمكن مايلاحظون علي بس اللي من بعيد ماشافني يمكن يقول انه بين علي بس والله مدري انا محتاره لاني مالخبط ولا شي من جد تحطيم
انصحوني وش اسوي مع اني والله مااكل الا الاشياء المعروفه ((شاهي بدون سكر _شاهي اخضر بدون سكر_نص علبة تونه بدون زيت _ دجاج قطعه صغيره مشوي _ خيار _بيضه مسلوقه حبه وحده _ خبز بر نص _تفاح _ لبن قليل الدسم _ زبادي قليل الدسم _عصير برتقال طازج ))

انتبهوا مو كلها بوقت واحد لالا يعني انوع بس هذا حدودي بالاكل

انا كل اللي احتاجه بس 10 كيلوا انقصهم معقوله مانقصهم بهالوقت من جد قهر انا مو هامني الوقت انا للحين اكتب هالمشكله ومع ذلك مستمره بالريجيم ولا راح اوقف بس اذا كان بكمل وبالاخير ارهاق وتعب على الفاضي اختصر على نفسي الطريق واهون عنه ...
انا اطلب كل وحده من البنات سواء عندها هالمشكله او لا وتقدر تفيدنا ياليت والله اكتبي كل شي تعرفينه او كيف انتي تخلصتي من هالمشكله وهل الاستمرار بالريجيم والرياضه والوزن ثابت بعد فتره من الوقت بتساعد على نزول الوزن خصوصا اني ملاحظه اغلب البنات يعانون من هالشي واحباط على طول بسرعه ولا ينلامون والله اتمنى ان حنا ننتهي من هالمشكله وتعدي امورنا على خير وان شاء الله ربي يوفق الجميع وينحفهم وهم بصحه وعافيه يارب ...
اتمنى التفاعل ورفع الموضوع عشان نشوف اكثر من مشاركه للبنات ..
اختكم : الوان الوفاء