تشجيعكم سيكون سبب لتغيير حياتي يومياتي بالصور

بسم الله الرحمن الرحيم
السلام عليكم ورحمة الله
بنات مليت من شكلي ووزني مليت من كلام الناس اللي مايرحم
مليت من الركض في الاسواق ادور اكبر مقاس واغمق لون
انا عشت الرشاقة سنة ايه سنة وحدة بس وحسيت بالاحساس الحلو اللي تحسه كل رشيقة
صرت اشتري على حسب الموضه مو على حسب اكبر مقاس صرت اشتري احلى الالوان وازهاها
حسيت بالانوثة صرت البس الشورتات والتنانير القصيرة وبكل ثقة>>طبعا قدام زوجي وبس
كنت 89 وصرت 69 مو وزن مثالي صح بس بالنسبة لوحدة من عرفت نفسها وهي دبه يعتبر انجاز ومثالي
لاني نزلت 20 او 21 كيلو
حسيت بهالشعور سنه وبعدها انعدمت الارادة صار لي 3 شهور ووزني بتزايد فضيع
احتاج إليكم فلا تخذلوني ..
حاولت كثير ارجع الارادة ماقدرت مو عارفة ليه
اسجل في قروب انتظم كم يوم ثم انسحب
كل يوم اقول بكرة وبكره اقول بعده
تعبت بنات ابيكم تحسون فيني
ابي تشجيعكم ودعمكم لي ابي نصيحتكم ورايكم
ابي احاول انزل وجباتي بالصور كل يوم بيومه
يمكن استحي منكم واتشجع واواصل
ماراح انزل كثير لان النحف علي مو حلو خاصة اني متزوجة ومعي 4 اولاد
راح اتبع سياسة اكثر بنات القروب في التخفيف وعلى راسهم سحر الورود الله يوفقها ويوفق الجميع يارب
وزني الحين 83 كيلو
ماراح افشل وراح اواصل وراح اوريكم اني قد التحدي
وتذكروا بنات انا ماراح انجح واواصل الا بتشجيعكم