تعالوا شوفوا شو عمل الحب فينا

مرحبا يا فراشات بدي احكي اليوم عن موضوع كتير مهم ........ بجوز البعض منا بيجهله بس هو بسبب مشاكل كتير بين الزوجين وهو " عدم الثقة بين الازواج"
ماذا يسبب??? وشو هي المشاكل الي راح تصير من وراه??????
وفي احتمال انه يسبب الطلاق??????
بستنى ردودكم بس خليني احكيلكم شو صار مع صاحبيتي.......
في البداية اخدوا بعض عن حب....... حب تلفونات ورسائل وحكي حلو وتبادل الهدايا واللقاء تحت الشجرة........ وكانت تحكيلي كل اشي بصير معاها ........ من كتر حبهم لبعض تزوجوا ومن هون انولدت المشاكل........
بعد3 شهور من العرس زعلت عند اهلها اول مرة لانهم الاتنين بطلوا يوثقوا ببعض كل ما رن تلفون اي واحد فيهم التاني يشك ويبلش يسال مع مين بتحكي?? وليش?? وخصوصا اذا كان بحكي مع الجنس الاخر..... ولا اذا طلع واحد فيهم ببلش النكد.....
بتعرفوا شو السبب........ كل هذا لانهم ما بوثقوا ببعض ولانهم ماخدين فكرة زي ما كانوا يحكوا ويطلعوا مع بعض اكيد راح يعملوها مع غيرهم....
طبعا ما استمروا اكتر من 5 شهور وانفصلوا .........
ولسا واقعنا في اكتر من هيك بس احنا نفتح عيونا وانشوف الي حوالينا ونحمد الله كل وقت الي احنا فيه........
اخواتي... لازم تنبنى العلاقة بين الزوجين على الثقة والحب والاحترام..... سامحوني اذا طولت عليكم