تعالوا نتكلم عن السوق

سلام ياصبايا
هذا الموضوع دردشة بس ووناسة ماشي
الموضوع عن السوق
منو فينا ماتحب السوق وتحب الكشخة
متى تروحين السوق كيف طريقتك كل شهر , كل شهرين , كل ثلاث شهور؟
كيف تغيرين ملابسك ,أقصد كل شهرين تشترين أشياء جديدة ووين تودين القديمة؟
مع منو تروحين السوق . زوجك , أمك , صديقتك , أخواتك ؟
آم وين تودين الملابس الي لابستهم متى تتخلصين منهم
أنا عن نفسي معزمة الملابس الي تأخذ عند سنة أقشهم وأتخلص منهم
أنا لي كم شهر متزوجة وأحس عندي تخمة ملابس
وأي صح منو فيكم زي أنا ماأحب أروح السوق مع زوجي مع أنه باله طويل ويدفع مايقولي شيء
لكن سبحان الله إذا دخلت معه السوق أحس نفسي هبله ماأعرف أشتري ولا شيء
ماأدري ليه أنتو زي يمكن لأني لسى ماتعودت أو يمكن عشان ماأحبه يشوف الشيء لما أشتريه أحبه يشوفه وأنا لآبسته في كل شيء حتى أغراض المطبخ وهيك ماأحب أشتريهم مع زوجي ماأدري ليه سبحان الله !
نفسي أتخلص من هالعقده خصوصاً أنه يحب يوديني بنفسه السوق مايحب أروح مع خواتي
وأنا أنبسط مع أخواتي وأحس نفسي أشتري صح
مع أنه المبلغ الي يعطينه زوجي لما يكون معي ضعف لما أكون مع أخواتي بس ماأدري ليه ؟!!