تعالو احكيلكم مغامراتي بالعرس

مرحبا صبايا كيفكم
احكيلكم القصة من اولها
طبعا انا من النوع اللي بحب التفاصيل الجمالية كتير بحياتي فما بالكم بليلة عمر ؟
المهم انا اللي صممت مسكتي كانت ورد ابيص على حامل روديوم على شكل قلب كنت شاريتو من محل ادوات منزلية في جدة وحطيت على اسفل الحامل ضو بيعطي الوان وطلع شكلها بيعقد
والكوشة جبت خيشة وخيتها دهبي وطيتها على عواميد الوان واضواو طلع كمان شكلها كتير حلو
اما الطاولا رشيت عليهم رد احمر واورنج وكان في متل الفانوس وعملت عبارات ترحيب بالمعازيم عنجد كان شكلهم بيجنن
الزفة كانت على شعر كاظم الحب المستجيل مع الموسيقى الملكية الدخول الى الجنة اسمها وعلى تبديل الدبل حطيت فيروز انا لحبيبي
كان كل شي كتير حلو بس بتعرفو شو المشكلة
المعازبم كلهم مكشرين وكانهم بجنازة؟
مش عارفة ليس وكمان ماحدا اجا بجوز كانو كلهم 100 ست من معازيمو ومعازيمنا رقصت سلو على كوين ماي هارت ميكس مع ماي بيبي يو
وعربي رقصت على انا بعشق البحر لمحمد منير وكانت جنان
تسريحتي كانت حلوة والميكب كمان
المهم من اول مادخلت ولجد ماروحت والناس ماهمها ولا شي الا الفستان
صح كان حلو بس مو لدرجة انو لما حدا يجي يسلم عليكي يحكيلي ماشالله فستانك شو حلو
ينسى الديكور والاغاني وانا وشكلي وتسريحتي ويحكيلي فستانك حلو
يالله شو تعقدت وحتى المصورة الحقيرة بالفيديو صورت الفستان والله اكتر من وجهي تخيلو
المهم وانا بالعرس اغمى عليي فجاة تعقدت وجلست ابكي انا اردنية وكان عرسي بعمان
وخطيبي او زوجي بالكرك ولازم اسافر معو عالكرك يعملولو حفلة وبعدين ارد ارجع للفندق وانا خلص خلصت تعبانة واجري مو حاسة فيهم وفاقدة للوعي تماما والله حملني اخوي انا وفستاني وزنو يمكن 20 كيلو
وبدات رحلة المعاناة صارلي والله يابنات بدون مبالغة اسبوعين وانا تعبانة ومو قادرة اصحصح انفلونزا وصداع ودوخة رح تقتقلني ومن شيخ لشيخة كل مااحس نفسي تحسنت ارجع اسوا من اول
خلصت اجازة زوجي وسافرت معو على المانيا واله من اول مادخلنا هون كانو الروح ردتلي ولا كانو فيي شي وهو صار هادي وحبوب ومافي منو
وطلع كل هاي الافلام من عيون الناس اللي حتى مابجكو كلمة حلوة ولهلا كنت كل مااكلم حدايحكيلي من وين فستانك وكان مغطي عليكي شوفي من شو طلعت بعد التعب بالندم والتعب والهن
والله الهدف من هالقصة اون اكيد العين حق ويابنات لاتبالغو متلي افرحو وانبسطو بس ماتحاولي تكوني الافضل لانو مابتعرفي من وين بتجيكي المشاكل
الله يوفقكم وانشالله تنبسطو بجياتكم ولا وجدة تعاني متل ماعانيت انا واهلي وزوجي
موفقيين يارب