تعالو يابنات نسوي كتلوج خاص فينا من تصميماتنا

السلام عليكم ^ يا اشيك واكشخ البنات
شخبااركم حياايب ألبي ان شالله بخير
طرى علي هالموضووع قلت اسدحه الفكره قد تكون مكرره المهم السالفه وما فيها انه اكيد كل وحده فينا تحب تكون مميزه بلبسها وستاايلها وتحب تطلع بافكاار جديده وغريبه , ولاعت كبوودنا من نصب الحريم والمشاغل الي الخاامه ما تكلفها والموديل لا بأس فيه والسعر ضارب بالعالي شدعوه ؟؟!!
لذلك قررت اسوي موضووع يكون مرجع لنا احنا الكشيخات والذويقات والستاايل
ابي كل وحده يعجبها موديل سواء بدله فستان سهر استقبال جلابيه أي شي عادي ومو شرط يكون كله حلوو يعني سااعات تعجبك بس قصة الدلعه او الاكمام أو قصه واحنا نغير بالباقي ونطور فيه ويطلع حلو ومميز ...
ما عليكم الا انكم تحطون الصووره هووني وتقولون شنو الي عاجبكم والي مو عاجبكم فيها واضافاتكما عليها , ونوع الخامات الي تصلح والكلف وكل شي
بنات الموضووع شاامل حق كل انواع الملابس الي تصلح تخيطينها من جلابيات البسيطه الي فساتين الاعراس
يالله همتكم يا حلوات عشان مو لاصار عندك مناسبه قمتي اطقين على راسك وتتخبطين من مشغل لي مشغل واخرتها تاخذين شي مو مقتنعه فيه وتتحسفين 00
وانا بضيف الموديلات الي تعجبني وتعليقي عليها
الردود لو سمحتو لصاحبات الذووق الرفيع فقط
ارجو التثبيت الموضوع