تعباانه مهمومه مقهووره

بكتب لكم مشكلتي وابي تفرجوني همي وكربتي بدعوه
انا متزوجه من 8 سنوات وماعمري حسيت اني متزوجه زوجي ياعملني اني خدامه له انظف ارتب وذا خلصت طلعت عند امه في الدور اللي ساكنه فيه فوقنا وارتب وانظف
عنده خوات لكن انا مستحقرني بشكل ماتتخيلونه
والله اوقات اتزين والبس يرد علي برد قاسي ليه هذا كله وين رايحه ؟؟؟؟
اذا قلت له اتلبس لك يقولي مو وقته الحين روحي شوفي البيت شوفي عيالك عندي ولدين راميهم علي وهو يا جالس على النت اربعه وعشرين ساعه ولا طالع من البيت مايرجع الا اخر الليل
غير اهانته لي قدام اهله مياناديني الايا هي او انتي حررام علي اللي جالس يسوييه فيني
كرهني في حياتي لين سرت معاد البس ولا عاد اغير شي في حياتي ويقول كذا عاجبني
ظروفه زفت راتبه 3000 مقسمه علي وعلى عيالي وعلى اهله
بناات اكتب لكم وانا ابكي من القهر اللي فيني لين متى بظل كذا
اذا رحت لبيت اهلي ظروفهم اخس والعن ابوي انسان على قده يعني حالتي متدهوره
والله سرت استحي اقابل احد من سلفاتي ولا جاراتي
لاني ما اشتري ملابس الا من عيد للعيد واغلب ملابس جلابيات عشان اخوه وعياله كبار في المتوسط دايم مرتزين عندي في البيت حياتي شبه منتهيه عايشه مثل الخدامه لهم اظبخ وارتب وانظف
وانا ولاشي
نفسي اطلع اشتري عطر نفسي اروح اتمشى نفسي يكون عندي شنطه احط فيها روج ورد خدود مرايه والله يبنات محروومه منها كاني عجووز وانا توني 28 سنه
كل ماطلبت زوجي يقولي مو لازم اذا استلم الراتب رمى علي 50 ريال وذا رفعتها يرجع ياخذها مني ليه كذا حياتي تعبت تبعت تعبت كل يوم ابكي قبل انام
الجهاز مخلي في غرفته حقت المقلط اذا دخلت ابي اجلس لازم اعطيه خبر يجلس يحووس فيه وينظفه وبعدين يعطيني الاذن وانا ادري ان وراه مصايب لكن لو فاتحته بيرميني عند اهلي
وين اروح حياتي معدومه من كل شي
ابي تعلموني كيف ارجع حياتي مثل اول سنه زواج كانت مستقره وبعدين تحولت لين صارت كذا
وربيفيني من الهم مايعلم فيه الا ربي ابي تعلمووني كيف اغير نفسي كيف اغير حياتي
كيف اكون مثل الحريم اللي تلبس وتغير وتشتري
كيف اطلب حقووقي من زوجي بدون مشاكل