تعبت من زوجي انصحوني يابنات

السلام عليكم ورحمه الله وبركاته
كيف الحال ان شاءالله تكون بخير وبعافيه
المهم انا متزوجه لي 6 اشهر تقريبا وحياتنا صراحه ماهي تمام يعني متذبذه
من ايام الملكه وهي كذا
هو عصبي مره وفي نفس االوقت طيب قلب مره يعني يغلط علي ويعصب شوي يروح ويجي
ولاكانه سوا شي ينسى اللي سواه ويجي يتكلم معاي
والله يقهرني اسلوبه مره مره يحلف انه يحبني وهو ايام يطلع بالساعات مااشوفه من 6 المغرب لين 2 الفجر
وهو مو موظف اقوله روح دور اوقات يقوم ويروح واوقات يطنش اطلب منه طلبات مايجيبها بذات لو لي شخصيه يطنش يعني يخرج ويطول في الخرجات ولايجيب شي
مره وصلت ضربني وكسر الجوال حقي وتركت له البيت جلست عند اهلي اسبوع وبعدها جاء وجاب لي جوال طبعا هو قال انه مو غلطان الا في انه ضربني غير كذا ماهو غلطان
دايم يقلل مني قدام اهله اني ماني قد المسوليه ومااعرف شي واوقات يعصب ويتكلم انطمي ولا اسمع صوتك
قبل اسبوع مرتين حاول يضربني
انا صرت افكر اترك البيت له لانه لا عمل ولايصلي الا اذا قلت له واوقات يقول صلى لكن اعرف انه كذاب
يدخن بشكل كبير يطلع اوقات طويله اكثر من 4 ساعات وفوق لا يرفع سماعه يسال عني
مايصرف علي انا اخذ من اهلي
مدري وش اسوي انا اخاف على حياتي وفي نفس الوقت
السكوت مو حل لانه جالس يتمادى احس هالشي
انصحوني