معلقني لا هو اللي راضاني ولا اللي طلقني

مرحبا يا بنات كيفكم
بكل اختصار :::
اني لأشكو الى الله ثم اليكم
من تزوجت وانا وزوجي دايما مشاكل والاساس منه هو مع الاسف الشيديد هو يحمل صفات سيئه مره
يتهم ويسب ويشتم ويحتقر لا ادري لماذا
كنت صابره عليه وعلى حياتي المأساويه معه لحد ما صار غلطه كبيره منه
وهو الغلطان مائة بالمائة
ومن تزوجته وهو كل ما يغلط اتنازل واجي انا ا واضيه لأني ابي اعيش وما اشتت ولدي الصغير
لكن المره هذي غلطته شنيعه مره تمس الاخلاق والدين
وغيرتي عيت علي ان ارجع له حتى ان يأتي إلي بيت اهلي ويكلم ابوي ويراضيني
الحين لنا شهرين تقريبا تخيلو يابنات
لا مصروف ولا سؤال ولا هو معترف باللي سواه من خطيئه شنيعه
كذبني واتهمني بأني قد تطاولت عليه وطعنت عرضه وصار يسب ويشتم
وانا والله متأكده من اللي سواه وعندي ما يثبت ذلك
قضيه لا ينحكى فيها
آخر شي تفأجأت انه سدد فاتورتي حقت الجوال
وهو قاطع المصروف عني انا وولدي بالمره
ما رايكم في طريقته هذي؟
نفسيتي تعبت معه من اول الزواج والحين زادت بعد المشكله الكبيره هذي
انصحنوني يابنات للخير ارشدوني تكفون وش اسوي داخلتن على الله ثمن عليكم
لاتقولون راضيه
خلاص انا بعد كرامتي له اكثر من مره
ما فاد فيه لا خير ولا الطيب حتى اني صرت دايما اتحسب عليه
انتظر ردودكم بفارغ الصبر