تعقيب على موضوع النصائح

اولا حبيببتي الله يتمم لج على خير وتتزوجين وتعيشي احلى عيشة
اولا النصيحة اللي حطيتيها انا ما أيدها الزواج هو مشاركة في كل شي مو انج تطفشين الريال
واذا زادت طلباتك عن مدخوله يمكن هو من النوع اللي يستحي يرفض لج طلب راح تتراكم ديون عليه
واللي بياكلها مو هو بس لا انتو الاثنين
مهما ان كان الحرمة لازم تداري زوجها في كل ظرف في ناس يشوفون الحياة الزوجية كانها حرب
لا والله غطانين وفي النهاية كلمن يعمل بأصله سوى كانت الزوجه او الزوج كلمن يبن معدنه
وهالشي مايبين لا من اول سنه ولا من اول سنتين لا يبا عالقليله يبيلج خمس سنوات
وانا اقول انه الناس صارت مادية حيل اتمنى انج تكونين من الناس اللي الماده ماتكون هي كل شي بحياتهم لانه والله الفلوس
وصخ الدنيا والناس صارت تفكر فيها اكثر من الصحة الله يعافينه مما ابتلاهم فيه
وانا اقول تغاضى عن بعض الزلات ومهما تزاعلتو خلو الزعل مايطول
يسعدني اني اكون اول من يرد عليج
ولج مني كل الامنيات السعيده

عندي نصائح كثيره ,,,,,,,,,,,,,زي مثلا .....
لا تتجسسي عليه ,,,,,,,,,
اعطيه ثقه بنفسه...........
لا للمجامله في الحياه الزوجيه
لا تنتقدي اهله مهما كان ,,,,,,
لا تقولي له عيوبك,,,,,,,
لا تمدحي اخواتك او صديقاتك او اي كانت وهو يسمع ,,,,,,,
اذا اهتميتي بأمه بيموت عليك,,,,,,,,
لا تنتقديه اكثر من الازم ,,,,,,,,
يا سلام ,,,,,,سارت محاضره ,,,,,,,,,غثيتك صح.

الامل العذب
بالعكس شكرا خصوصا لا تقولين عيوبك هذي جديده
حنا البنات دايم نتشكى جسمي بشرتي نحفت سمنت
والله نصيحه حلو

مس جوين
اوافق معاك الزواج مشاركه مو حرب صدقتي
لكن استغربت لان الي نصحتني وحده تحبني واتوقعت انها صدق نقطه مفروض ما نتكلم عنها
الله يسلمك من كل شر وشكرا على الدعوات الحلوه

الله يوفقك ويسهل امرك
اتوقع موضوع النصائح فيه كثير اشياء بتفيدك

لأ غلط .. راعي ظروفه وخليه يحكي إذا حب عن ضائقته المادية وخليكِ دعم له ,
لكن لا تنسي حقوقك , فرق بين الدعم والسذاجة .
ادعميه بكلامك ووعودك بأنكم تقللون الصرف و طلعات مطاعم أو انكم تسكنون بشقة أصغر الخ الخ
لكن السذاجة هيّ إنك تعتدين بنفسك وتصرفين أنتِ ع نفسك من مكافأتك أو من أهلك .. إلخ ( هو المسؤول عن الصرف حبيبتي )
غلط لمه تساعدينه تبيعي ذهبك مثلاً ! يا ماما هذا شيء لك أنتِ وحالته المادية مشكلته مو مشكلتك لا تريحينه ع حسابك أبدًا قللي صرف ادعميه هوني عليه .. لكن لا تزيد عن كذا .
أو انك تطلعين من بيتك وتسكني عند أهله !
السكن حق من حقوقك ليه تتنازلين عنه ؟ هذي أعتبرها سذاجة لكن ممكن لو كان زوجك يستاهل توافقي تسكني عند أهله بشقة مستقلة وبباب خارجي مستقل ولا تروحي عند أهله إلا مرة بالأسبوع مثلاً الخ الخ الخ
قصدي هو لا تتنازلي عن حقوقك بمسمى مساعدة . احفظي حقوقك بنفسك وابني لك احترام : )
لأن People care about who cares about herself
نصيحة ع الطاير :
اهتمي ببيتك وبشكلك لاتهملين هالنقطتين . موفقة