تكفون ابي حل مع زوجي

مساء الخير عزيزاتي ، حبيت تبدون لي حلول لبعض الأمور الي اشوفها برجلي بحكم خبرتكم بالحياة الزوجية لاني انا تو متزوجة وفي زوجي تصرفات ترفع الضغط ومو عارفة وشلون اتصرف معه بدخل بالموضوع
زوجي يحب يقز الحريم قز يعني يناظر للحريم لما اروح للسوق او حتى عند الإشارة والمصيبة يقول لي شوفي هالحرمة وش لابسة وشوفي وشوفي هو يقول لي مو عشان يغيضني لا ابد بس يبيني اشوف معاه بالذات اذا كانت الوحدة ملفته للنظر وبعض الاحيان اراقبة لانزلت للسوق الا والله عيونه تقز من الاعلى للاسفل واذا انا مو معه يحكي لي اذا جاء شفت وحدة الله ياخذها لابسة كذا وكذا ويبدا يوصف أو يقول لي مواقف تصير له اما وحدة تناظر له او وحدة صدمته بالعربية وماانبهت ولا هو ابو الفزعات لو وحدة تبي شيء عاد هالمواقف ما دخلت راسي عموما وشلون اتصرف مع عيونه ذي لاني استخدمت التطنيش بس ماقدرت اغلي من داخلي غليان واحس انها اهانه لي يعني ماكاني معاه واستخدمت اسلوب التنبيه انبهه وصارحته باهشيء وقلت له حرام واحترم ان معاك وحدة انت ماترضى اني اناظر بالرجال اصلا عيب وحرام واعترف لي قال هذا شيء شين فيني ساعديني ونبهيني ويكثر مايحلف ان ماله غرض بهالنظرات بس انا ماصرت اثق فيه لان الوضع باقي مثل ماهو دلوني وش الحل معه ؟؟؟؟؟؟؟؟؟؟؟؟؟؟؟؟؟؟
الشيء الثاني يحب اغراض الحريم ويعرف كل شيء عن المراة حتى النت يدخل مواقع نسائية وهذا الشيء خلاه متفتح على اشياء المفروض مايعرفها ناقشته ان للمراه خصوصيات ومو من صالحنا انه يتطلع بزيادة عن اللزوم لكن من غير فائدة وانا صراحة تعبت ممكن تفيدوني الله يجزاكم الجنة