تكفون الضيقه ذابحتني

1. بصراحه ابي رايكم انا وحده عنيده زعوله لدرجه ماتتصورون اتضايق بسرعه


2. وعطيت رقمها وحده اطلع معلومات عنها طلع رقم موبايلي وباسم باكستاني .

مرحبا
الضيقه ذابحتني زوجي يكلم غيري

بصراحه ابي رايكم انا وحده عنيده زعوله لدرجه ماتتصورون اتضايق بسرعه

صار لي متزوجه سبع سنوات لي طفلين بيني وبين زوجي عشر سنوات اكثر وقتي زعل وعند اهلي
بس ليش هاذا الزعل كله زوجي كسول مايحب طلعات يحب النوم كثير مدري او تعب مادري اهو طيب بس اسلوبه معي مايبن انه يحبني اهو يقول انه يحبني مايجلس يسولف معي مايشكي لي مايفضفض لي رغم فتره زواجنا بس عجزت اعرف زوجي مااعرفه
القصه الحين جاء انتداب وسافرنا كانو اهله بالمنطقه الي منتدب فيهابصراحه انا مااحب المنطقه ولاعندي بيت صار مشاكل كثيرة دايم هاوش و زعل ونرجع نترضا وبعدين نرجع نتهاوش وهو تغير مكالماتي مايرد عليها رسايلي مايردبعدين ...
رجعنا بيتنا بنفس الليله سمعته يكلم وحده انقهرت قعدت اسئله من هذا الي تكلم؟ قال انااغازل انا مااعرف هاالكلام قبل لااعرفك وبعدين راح ونام بغرفه ثانيه بكيت بحرقه عرفت ليش؟ تغيرعشانها
اليوم الثاني قال امشي بوديك لاهلك ارتاحي عندهم انا مليت من الزواج مليت ابي اراتاح. انا عرفت ليش عشان يااخذ راحته معها لاول مرة اقول )لا( ابقعد ابيتي ابي اعيالي عند ابوهم يصرف عليهم ينتبه لهم وقلت خذ راحتك بنومك بطلعاتك بمكالمتك سكت اهو ايحب عياله بس احس يالله اقتنع ورضا
بعدين صرت اتقرب منه وهو نافر مني ياله انه رضا ينام معي وانا من داخل احترق اجبر نفسي عشان مايبعد عني كثر ماهو بعيد وبصراحه انا احب زوجي وماابي بنت حرام تاخذة مني واصلي صلاه الليل وادعي ان الله يسخره لي ويختم على قلبه من بنت الحرام ويكفيني اياها شوي اشوي بدا يكلمني بدا يضحك معي صار يسولف معي وهو مااكان يسولف بعدين بصراحه انا تغيرت كثير اهتميت بنفسي زيادة شوي ومااصرت ازعل وماصرت اسئله وين رايح وين طالع وصرت اهتم فيه انا عارفه بتقولون بعد وشو تغيرتي اوكي اعترف اني غلطانه لكن الوحدة تتعلم والدنيا مدرسه
بس مشكلتي الحين اهو يكلمها يراسلها انااطيح على جواله رغم انه مانعني المسه بس اعرف انه معها يكلمها و اكثر شي وقت دوامه بس مش يوميا بعد كل ثلاث ايام اربع ايام وبعض الاحيان يصير بالليل يعني مو وقت محدد بعينه لا وانا اموت لما اشوف رقمها على فكرة اخذت رقمها وسمعت صوتها بغيت اموت من القهر سمعت الي زوجي يكلمها من رقم ثاني عندي المشكله زوجي عارف الرقم بس ماادري يذكرة ولا لا لاني مااستخدمه كثير نادرا

وعطيت رقمها وحده اطلع معلومات عنها طلع رقم موبايلي وباسم باكستاني .

وصرت اوسوس بطلعته بجلسته بنومه يكلمها ولا لا؟ صرت اتجسس عليه اكثر وقتي صرت ابكي كثير من القهر حتى جسمي نحفت كثير الكل يسئل ليش؟ بقلبي اقول زوجي الله يسامحه ويسخره لي ليش يزوجي ليش حرقت قلبي
اهو يقول يحبني من صغري لين تزوجني اعترف اني ماريحته ولا هنيته بس والله ابكي والغيره قاتلتني ولاول مره اكتب ابي ارائكم مشوراتكم تكفون لاتبخلون علي بنصايحكم اكتب احس اني ملخبطه انا كتبت كل الي بخاطري ابي اوضح لكم الصورة عشان تردون علي
تكفون لاتبخلون علي والله اني اطبخ من داخل رغم ابتساماتي له انحرق رغم ضحكاتي له
حسبي الله عليها بنت الحرام وكل بنت حرام تخرب بيوت المسلمات وتكفون دعواتكم بعد لي انو ربي يسخر زوجي ويختم على قلبه منهابنت الحرام
واسفه على الاطاله