تكفون حطو نفسكم بمكاني

1. واخيراً بالعطله الصيفيه اللي فاتت الحمدلله جاء وملكنا


2. وبعدها بيوم صلحم عشاء باستراحه وطبعاً من عادتنا انا ما احضر


3. وجلست اجهز انا لنفسي عشان اكيد مليون بالميه بيجون يجيبو الشبكه


4. وعدت شهور ولا شفت منهم اي شي


5. وشريت عطر ما زهاني بلياك


6. خمسة شهورن بعلبته مالمسته 000


7. بالله عليكم وش بتسسون لاكنتم بمكاني..

السلام عليكم ورحمة الله وبركاته
صباحكم
مسائكم الله بالصحه والعافيه
اخواتي حبيت اخذ رائيكم بمشكلتي دايم اشوفكم ماشاءالله تساعدون بعض وانا ادخل اقرء بس ماحب اشارك وبعد تفكير قلت بسجل معكم إن شاءالله استفيد من ارئكم
انا الحمدلله بنت حلوه ماشاءالله وابوي رجال معروف شيخ من مشايخ مملكتنا الحبيبه الحمدلله ومعروف بالسمعه الطيبه والكل يتمنى يتزوج من بيتنا
من جيت تقريباً سن 19 والخطاب كثير وماكتب ربي نصيب كنت احس اني صغيره وبدري عن الزواج فيه بنات اكبر مني ولسى ماتزوجو او حتى مانخطبو... واحد من جمعتنا اسمه احمد كان معروف انه مفوته له بنت عمه من هم صغار ..وكان يسال عني كثيير ويستفسر ليش ماوفقت على فلان وعلان وكان مستغرب ليشش ماوفقت مع ان اللي خطبوني ماشاءالله عليهم واحد تو متخرج من الكليه الامنيه<< والثاني مدرس وامه كانت تقول لختي انه ولدها احمد معيي عن بنت عمه ويبي يجي يخطبني وماكنت اصدق هرجها لانه معروف انه لفلانه... لين ماجاء وخطبني وانا عمري يمكن ب ال 20 واستخرت وارتحت الحمدلله له وشفت قبول ابوي واخواني مره عاجبهم وتمت الخطبه على خير من غير ملكه
والله يابنات الحمدلله جوني خطاب كثار حتى وانا مخطوبه.. وبصراحه احسن منه بكثير بس كنت اقول ان شاءالله خيره اني مع احمد
وتجي سنه وراء سنه وانا استنى الولد يتحرك يملك .. او يتكلم بالموضوع لكن مره مافي خبر
كان صح يرسل سلامه مع اخواني الصغار ويسال عني...بس شي ثاني لا << اللحين لي 5 سنوات مخطوبه
وهه العمر يروح اللي عندي كلهم جاهم نصيبه الا انا واقف نصيبي على الباشاء حماده متى يتحرك

واخيراً بالعطله الصيفيه اللي فاتت الحمدلله جاء وملكنا

• * وعلى فكره هو يشتغل بعيد عن ديرتنا..ومايجي كثير
• من عادتنا حنا اهل العريس يجون بيوم الملكه او بعده بيوم او يومين..او اسبوع... بالشبكه واكيد العريس بيسلم على العروس ويعني مانصلح شبكات كبيره وطقطقه ... وعاد المكالمات ماهو ضروري يعني براحت العروسه اذا اصر عليها عريسها <<< هذا بس توضيح عشان تعيشون موقفي

ومعانتي تبدا من هنا

وبعدها بيوم صلحم عشاء باستراحه وطبعاً من عادتنا انا ما احضر

وجلست اجهز انا لنفسي عشان اكيد مليون بالميه بيجون يجيبو الشبكه

وتجمعم عندي كل البنات اخواتي على بنات عماني على بنات خوالي وجلست اوريهم فستاني واوريهم عطري ويعلموني وش اسوي وش ما اسوي...... الا تجيني طيحة الوجه تخيلو يابنات ماجوني لاهو ولا امه حتى امه يوم اتصلت تقول لامي عن الاستراحة ماقلت عطيني منى بسلم عليها او بباركلها
واللي اعرفه انا ان العريس الا يبي يشوف عروسته ومن غير الهدايا والحركات الحلوه,,,,,
يعني يابنات ابد ماحسيت بالملكة والفرحه اللي يقولون عليها
وراح هو الله يستر عليه لديرته وكسر بنفسي انا اللي كاسحني الاشياء اللي شريتهم وجلستي مع البنات آحراج بقووه.. جات عندنا مناسبه بعدها وقابلت امه سلمت علي عادي حتى كلمة مبروك مافي؟؟

وعدت شهور ولا شفت منهم اي شي

وقرب العيد رحت اتجهز مره ثانيه قلت 100% بيجي يسلم ويجيب الشبكه..... ولاجاء
لي تقريباً خمس شهور اللحين وماجاء منهم اي شي والله والله يابنات ماهمني انا الهداياء او طقم الشبكه الحمدلله اقدر اجيبها بس اللي قاهرني هو انه كسر بنفسي والكسحه اللي سببها لي عند الناس.... تخيلو افتح دولابي واشوف اغراضي اللي شريتها والعطر والاكسسوارات واتذكر شعر على ماضن انه لعابرة سبيل
شريت لي ثوب علي شان لقياك
والثوب راحت موضته مالبسته 000

وشريت عطر ما زهاني بلياك

خمسة شهورن بعلبته مالمسته 000

بنات بالله عليكم وش بتسوون لو كنتم مكاني انا وربي كابته ابين للناس انه ماعلي منه بس والله اللي بقلبي غير والله نار شبها فيني وربي حتى اخواتي وامي عمري مابينت لهم بسس امي فاجاتني امس تقول وش رايك يامنى اتصل على امه يمكن جايهم الناس هرج ومزعلهم بسس حلفت لامي لو تتصل والله ماخذه وحتى لو جونا مراح اطلع لهم او البس شبكتهم...بكيفهم متى مايجون يجون محنا متشفقين لهم شي ....وربي يابنات ماعاد اشووف الكيبورد من دموعي

بالله عليكم وش بتسسون لاكنتم بمكاني..

ولاتقولون لي يمكن يستحي يجي وهو مامعه فلوس لانه موظف وعلى المرتبه السادسه وله اكثر من سنتين يعني موبمعقوله ..اوبتقولون يمكن بخيل بالعكس اشوف انه كريم لانه دايم تصير مناسبات عنده والهدايه اللي يهديها لعيال اخوانه,,او بتقولون سامع شي مستحيل الحمدلله واثقه بالحيل انا من ذا الشي
وبالله عليكم شورو علي وش السوات ..بنات عمي قالو لي احسن ابدي انتي كلميه وشوفي وش فيه بس انا مستحيل اسويها
ولاتنسوني من صالح دعواتكم...