تكفون ساعدوني مدري شسوي

حبيبتي افهم من كلامك انك تأكدتي منهالشي وعصبيته ترجمتها واضحة بالنسبة لك ...وبعد فهمت من موضوعك انو لسة بالبداية وهالشي كويس انك كشفتيه بالبداية وماغفلتي يعني تقدري تلحقي عليه وعلى حياتك قبل لايغرق ويغرقك معاه ويتعود على الخيانة ............. اذا انت متأكدة فيك تواجهيه بس انصحك نصيحة كوني هادية جدا ماراح تفلحين لو ناقشتيه بعصبية لانه موضوع حساس
ابحثي عن اسلوب ذكي يخليه يخجل من نفسه ومن حركته وبيني له انك منتي ساذجة أو غافلة
وربي يبعد عنكم عيال الحرام ولا يفرق بينكم يارب

مدري شااقولك لكن الموضوع يبغاله حكمة حاولي تتفاهمين معاه بهدوء وبيني له الدنيا سلف ودين وهالشي حرام قبل كل شي
والاهم انه يقتنع بانه غلط لان الرجال اذا بغوا يخونون يلقون الف طريقة يخبون فيها وقبل كل هذا عليك بالدعاء ادعي لرب العالمين واشكي له هو مصرف الامور وهو مالك قلوب البشر
يارب احفظ ازواجنا وابعد عنا الحرام يارب سخرهم لنا واكفينا شر الخيانة والغدر فألمها ياربي لا تتحتمله قلوبنا يارب نسالك التوفيق

حبيبتي
لا تحزني ولا شي
كلمي زووجك بالمنطق والعقل بدون عصبيه ولا شي
وتوصلوا الي حل جييد
مالقيت استجابه منه او البنت ما فارقته
بلغي الهييئه عنهاا
وادعي ربك واستغفري دعواتي لك بالسعاده
بس اببدآ لا تسكتي عن الموضوع هذا لانه راح يكبر
الله يفررج همك ويسعدك

ياحياتي الله يفرج همك ويبعد عنكم عيال الحرام
والله يالغاليه مادري وش اقولك احس حالي ملخبطه
تعرفين لا الطيبه تنفع ولا العصيبه تنفع ..
سوي اللي قالولك البنات والله يهديه ان شاء الله
واستودعيه الله عن الحرام

اخ جد انا انقهرت جد انت مافي زيك ياريت عندي صبر مثلك انا ما بستحمل اسكت
الله يعينك ما راح اقولك رايي لاني الا الخيانه جد ممكن احرق الدنيا
قلبي معاكي

الله المستعان هذي مشكلتنا احنا يالسعوديات رجالنا اهم من حياتنا مع الاسف مسوين لهم قدر وقيمة وهم مايستحقونها إلا من رحم الله منهم ... المهم حاولي بلاول تعرفين عن هالبنت الي تعرف عليها زوجك من هي يمكن زوجته الثانيه ويمكن يبغى يتزوجها ويمكن حبيبته وحاولي تعرفين من متى يعرفها وكيف وهل هي موظفه ولا طالبه متزوجه او مطلقه او بنت يعني تعرفين كل شي عنها بطريقتك وانتي ادرى بظروف زوجك وبظروفك وراقبيه ولاكانك تعرفين عن هالموضوع اي شي يعني خليك طبيعيه جدا وحاولي تمسكين اعصابك حتى تعرفين تحلين مشكلتك بهدوء ...
اذا كنتي مرره تحبينه وماتبغين تخسرينة ولوا انه مايستاهل بس مو مشكله .... سوي هالحركة بالاتفاق مع اختك تقولليها عن موضوعك بس قولليها سر بيني وبينك حتى هلك مايعرفون عن هالشي ..
مثلا مع اختك خليها تتصل عليك وانتي قاعدة قدامه وسولفي مع اختك وكان اختك تكلمك عن وحده من صحباتها زوجها مثلا تحرش بالخدامه قولي اعوذ بالله تحرش بالخدامه بصوت واضح مسموع قولي هذا مايعرف نسال الله السلامه انه مثل ماتدين تدان مايخاف على خواته وهله لاحد يتحرش فيهم اعوذ بالله يالطيف الله يجيرنا من الفضحية لاعرفو هله وربعه وناسه بفضيحته اعوذ بالله راح يشوه سمعت هله كلهم وخاصة خواته وبناته اعوذ بالله وين العفاف وصيانة الشرف من هالمعاصي و الله المستعان . يعني حاولي تذكرينه بعقوبة الله له في الدنيا قبل الاخره .
اذا مانفعت هالطريقة جربي الثانيه
هذي طريقة والطريقة الثانيه يمكن صعبه شوي عليك حاولي تعرفين هالبنت مين وهل هي متزوجه مطلقه بنت عاديه وحاولي تاخذين معلومات عنها وتتصلي عليها ولو يتصل عليها رجال مثلا اخوك الصغير او اي احد ترا اقوى عليها بتخاف وهددوها بتفضحونها عند اهلها اذا ماتوقفت وقطعت علاقتها بزوجك وقولي مثلا نعرف بيتك والله مايردنا عنه بيتكم إلا الهئيه ومعي تسجيلات عليك ومسجاتك ..
اذا مانفعت هالطريقه جربي هذي يبغالها قلب جامد ههه
وفي طريقة ثالثة وهي اصعب طريقة بس اذكر وحده من صحبات امي سوتها مع زوجها يوم تعبت من عمايله كل يوم يطلع لها بقصه وصخه مع بنت المهم عرفت انه مواعد بنت في مقهى راحت خلت وحده من زميلتها بالدوام تصل على الهئية وبلغت عنهم ومسكو زوجها ومحد فكه غير اخوه ولمن سالته وينك غايب خوفتنا علييك وكذا قالها لا ابدا يا قلبي كنت مشغول مع هلي بمواضع وخلصتها الحمدلله ومارس حياته عادي وتحلف من يومها ماعاد يلف لايمين ولا يسار لانه مدرس وخايف على سمعته وسمعت خواته وهي سوت نفسها ماتعرف ولا صار اي شي ومشاءالله عليها ذكية عرفت ترجع زوجها لحضانها .
واخر شي الله يرجعه لك ويهديه لصواب اللهم امين
اتمنى اذا ماعجبك كلامي لاتزعلين مني ترا صدق اتمنى تنحل مشكلتك ويرجع لك ابو عيالك والله يهديه ويكفيك ويكفي كل بنات المسلمين شر بنات الحرام اللهم امين

تسلموون اخواتي عالردوود والله بجد محتاره ليش الخيانه ماستاهل والله ومعنا طفل وحامل ‏ بِ سّ تعبت انافق لازم اصارحه مابيه يضحك علي ويكلم البينت انا جتني لقافه قلت بسمع صوتهاا واه انقهرت سمعت صوتهاا ورسلت لهاا مٍٍْ ِْْنِْْ رقمي وتخيلوو ردت ع اساس اني ولد ؟!! يّعِ‘ٌٌََََنُي هي بنت لعوب واكيد بتضحك عليه مايجيني نوم الا الصباح بعد صعوبه والله قهر الخيانه تحطيم ذاتي للنفس

الله يعينك ياقلبي
اتقربي منه وصارحيه بعدين احنويه ولاتنقصي عليه شئ
والله يسخره لك يارب

قولوو يّ َفْ اقدر اتصل فيها واعرف عنهاا ْ شيء كيف عشان اهذدهاا يارب تبلاها مثل مانوت تخرب بيتي