الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
اهات الريم
15-09-2022 - 11:02 am
السلام عليكم حبيباتي كيفكم حبيت اطرح عليكم مشكله اختي وياليت تساعدونها باللي عندها خلفيه وماره بهالتجربه ( اختي متزوجه صار لها اربع سنين اول ماتزوجت زوجها سافر مع اقاربه وخلاها ماسفرها معه قلنا ماعليه وجاء اول عيد يعيدون فيه بعد زواجهم وماعطاها فلوس للعيد قال ماعندي دبري نفسك عطاها بس 300 ريال وظليت تصيح ذاك اليوم وعطاها ابوي ومايبي يشتغل يبي كله يجلس بالبيت كانه حرمه او يبي يشتغل شغله مريحه ع مكتب مثلا مع انه ماعده شهاده غير ابتدائي او متوسط ومايجلس بالشقه كله بره هي ساكنه بشقه ببيت اهل زوجها عندها بشقتها بابين باب على اهل زوجها وباب مستقل ماتاخذ راحتها بطلعتها ودخلتها مسكر الباب المستقل ومخلي الباب اللي على بيت اهله واطلبت منه كذا مره مفتاح الباب المستقل مارضى يعطيها يبيها تدخل وتطلع على بيت اهله حتى لو تبي تروح تتعشى معه بمطعم مايرضى ابد حاولت فيه تطلع معه مو راضي نهايا مره طلبت منه تروح معه مطعم وظلت اسابيع وشهور ع مارضى وبعدين قال لها يالله بنروح بوديك مطعم هي استانست والبست وبالنهايا النذل وداها بوفيه شرى لها فلافل وهم بالسياره ورجعها وكل عيد بالموت يطلع الريال من جيبه وبكل مناسبه بعد او زواج حتى عزبت البيت مايشتريها يقول لها اخذي من تحت (قصده من اهله) هي ترفض اانها تاخذ يروح هو يجيب من اهله واحملت مره وسقطت وظلت شهر وزياده ببيتنا ماجاء يزورها الا مره مدري مرتين وماجاب معه شي والحين هي احملت مره ثانيه وبتولد ع وشك ولاده وبالموت بعد ماطلعت روحها عطاها فلوس تشتري اغراض البيبي هو مبين عليه انه مايبيها بس صابر يبي يطفشها لين تطلب الطلاق بنفسها عشان لو قالو له اهله ليه طلقتها يقول هي اللي طلبت مو انا طلقت حتى مصورف مايعطيها مثل العالم والناس رقم انه عنده فلوس هي سوت له كل شي سوت له سهرات ورمنسيه وجددت بشكلهل وتنظف بيتها وكل شي وتعطيه هدايه بس هو عديم احساس صرنا مانتلكم جنبها عن ازواجنا وكيف ازواجنا يجبون لنا هديه ويطلعونا ويقلونا لنا كلام حلو نخاف نجرحها ) لو عندكم حل معه ساعدوني لاتبخلون على اختي
التعليقات (9)
اختك ماعندها سالفه معليش
دامها تدري كان من قبل تحمل بالثاني طلبت الطلاق
وش ذا
بخل وشين طبايع ولا بعينه شي وش تبي فيه
مابيدنا الا الدعاء
الله يسخره لها
دامها تدري كان من قبل تحمل بالثاني طلبت الطلاق
وش ذا
بخل وشين طبايع ولا بعينه شي وش تبي فيه
مابيدنا الا الدعاء
الله يسخره لها
المشكله انه قلنا له من قبل لاتحمل انها تشوف حل معه ياتقول لهلي يوقفون عند حده ويحلون الموضوع او اذا مافاد تطلب الطلاق عشان ماتجيب طفل يتعذب بحياته بس هي رافضه انه تقول لهلي رغم انه هلي يدرون عنها بس ينتظرون اشاره منها انها تقول لهم وقفوه عند عنه والسبب اللي يخليها ماتقول لهم لانه هي تزوجته وهي ماكنت تبيه كانت رافضته مو مرتاحه له بس الوالد والوالده الله يهديهم من كثر ماهم طيبين يفكرو كل الناس مثلهم طايبين عسى من شافو ام الولد او ابوه طيب فكرو الولد بعد طيب وهي تقول مثل ماامي وابوي اقنعوها فيه وهي ماتبيه ماتبي ترجع مطلقه عند امي وابوي دامهم قطوها عليه ماتبين ترجع لهم ثاني رغم انه امي تبكي ندم على هالشي لدرجة يوم تقدم لي انا معرس وتقدم لختي الثانيه برضو معرس ورجال زينه قالت لنا حتى لو الرجال زين وماتبونه عادي لانها اندمت على قد شعر راسه وماتبي تعيد الكره ثانيه حتى ماينزل يسلم على امي وابوي الا بالسنه مره
آلله يكون بعونهآآ بس آلمفروض آنهآ شآفت حل قبل تحمل مره ثآآنيه
مآبيدي إلا آدعي لهآ ربي يعينهآآآ
مآبيدي إلا آدعي لهآ ربي يعينهآآآ
اسمحيلي هذا ما أخذ من الرجوله إلا الاسم .. يقهر حسبي الله على تفكيره السقيم !! خلينا من الهدايا لكن المصروف واجب عليه ينفق عليها وين راح يروح من الله !! وين أخوانك ما يأدبوه شكل أختك من النوع اللي مرره مسالم وتخاف تطلق لذلك بالعه المر والعلقم بس شوفي لا قدر ولا اهتم مبين كأنه بايع .. وبعدين كأني فهمت من كلامك إنها رضيت فيه بغير وظيفه والدليل إن ابوك هو اللي يصرف عليها وهو حضرته يبغى وظيفه ع مكتب ؟!!
تكفون ساعدوني مدري شسوي→
والله يعينها ويعوضها باللي احسن منه ..