تكفون والله محتارة

السلام عليكم ورحمة الله وبركاته
أنا جيت >>> أحلفي
مراحب بالغوالي ع قلبي
عاد تبون الجد والله اني حبيتكن وأي شي يصير معي أجيكن وأشاوركن
أسمعوا بنات بشاوركن
طبعاً أنا نويت بإذن الله ما أنقش يديني بالعرس قولوا ليش ؟؟
لا خلاص لاتقولون أنا بقول
لأني نقشت في الملكة وبصراحة طلع شي حلو ونعوم حتى زوجي عجبه مرة
بس المشكلة يابنات بعد الملكة بأسبوع بدأ النقش يروح والله لايوريكم
راح النقش مع الجلد والله يابنات كأن الحناء أنسلخ مع جلدي وقسم بالله تشوهت يابنات صار يروع
وتعالي يامراهم وياكريمات وياخلطات ألين ما خف شوي
مدري المشكلة بالحناء نفسه بشكل عام مايناسب جلدي وإلا أن النوع هذا بالذات كان محطوط عليه شي كيماوي والا قطرة حنا
المشكلة ألحين إني حرمت تحريم تام أحط بيديني حنا وأمي معزمة وملزمة إلا أنقش
تقول شكل إيدينك بيصير سامج بدون نقش ومافي عروس ماتنقش إذا مو عشان ليلة عرسها عشان العزايم عند أهله بعد العرس
وكل خواتي يقولون نقشي هذي ليلة العمر وتحملي عشان تطلعين مزيونة
وأنا محتارة يابنات أغامر وأنقش وإلا اصير سامجة على قولة أمي
مدري يابنات أحس إني بجد محتارة ومقهورة
وش رايكن أنقش والا لا؟
بعدين أنا سمعت بالنقش الكريستالي اللي عندها عنه علم تكفون تفيدني ووين بألقاه بالرياض؟
وبالمرة اللي تعرف نقاشة نقشها حلو وناعم واركز على كلمة ناعم لا تبخل علي؟
الله لايخليني من وجيهكن ولا أنحرم منكن
أنتظر مشورتكن