تكفون يآ بنآت رآئع جدا

1. السلام عليكم ورحمة الله وبركاته

السلام عليكم ورحمة الله وبركاته

في يوم من الأيام قابلت زميلتي (س . ع) وهي ترتدي عباءة سوداء من القماش الثقيل وفضفاضه تفاجأت من الوهلة الأولى لأني لم أعهد زميلتي من قبل بهذا الإحترام... فقد كانت تلبس العباءة المخصرة المطرزه التي توحي للناظر بأنها فستان .. وكانت تكشف وجهها مع إضافة بعض مساحيق التجميل الخفيفه بحيث تبدو طبيعيه بعد حديث مطول بيني وبينها سألتني: باين عليك انك مستغربة من عباتي لأن مو بالعاده ألبس كذا !! أجبتها : بصراحه ايه , بس ما حبيت اسألك ابتسمت في وجهي قائله: الحمدلله اللي هداني إلى طريق الصحيح والله يوفق ويصلح اللي كان السبب - أي سبب ؟!! قالت اسمعي السالفة : في يوم كنت رايحه مع صديقتي السوق وكنت لابسه عباية ملونه و مطرزة و شك من فوق لتحت واللفه ( الغشوة) شفافه و تلمع كاشفة الوجه وحاطه لي كريم اساس و كحله و ماسكرا و روج وردي ناعم وانا أتمشى بالمجمع لاحظت إن شاب قاعد يراقبني بنظراته ... وبعدين تطور الأمر وصار يلاحقني ، طبعاً ماهتمينا فيه لأن احنا في مجمع ومايقدر يلمس شعره مني - ايه وبعدين وش صار!!!!! بعد ما وصلنا مكان شبه معزول بس كان فيه ناس وقفني وقال لي: حرام عليك اللي تسوينه فيني , تبغيني ارتكب الحرام غصب ! انا انصدمت من كلامه وقلت له : وش تقصد ؟؟ قال: أنتِ مو شايفه شكلك ! مو شايفه عبايتك ! مو شايفه مشيتك ! والله حرام عليكم تلفتون انتباهنا وتخلونا نرتكب الحرام ! بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري وبعدها رجعت البيت وانا افكر في كلامه ... طول عمري اتزين واتمكيج .. بس كنت اتوقع إني بحمل سيئات نفسي مو سيئات كل شخص ألفت انتباهه.. يعني اذا لفتّ انتباه 100 شاب بكره يوم القيامه ربي بحاسبني عليهم أكثر مما يحاسبني على نفسي !! وقعدت أبكي و أبكي و أبكي واستغفر ربي على جهلي وقررت اني التزم بعباية محترمه و أغطي وجهي عسى الله يغفر لي ذنوبي صديقاتي وأخواتي لا تبالغي في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لا تضمنين نظرة الشباب اليك كيف ستكون ! دعونا جميعاً نتمسك بالعباءة الاسلاميه ولنفتخر جميعنا بخلوّ عباءتنا من الألوان والزينه * سالفة ثانيه قد سمعتها: واحد من الشباب يقول : إني ما أحب أروح السووق خاصة بهالأيام من شئ أشوفه من البنات وأحياناً أروح غصب عني مع أهلي ووالله إني قد ما أقدر احاول اغض بصري واتصدد واتعارك مع ابليس .. ويحلف بالله .. والله_ مع كل محاولاتي_ إن طلعتي هذي تأثر علي 5 أيام .. ما أقدر أصلي فيها زي اول ..! ولا أصوم مثل أول ..! " هذا وهو عنده رادع ديني ! أجل كيف اللي مطلق لنفسه العنان ؟!!! " حرام عليكم يابنات تراك مسؤؤله عن كل رجال يشوفك (يشوف وجهك...عيونك..يدينك) بدايةً من السواق إلى الهندي والبقالي .. وأصحاب المحلات اللبنانيين واليمنيين إلى المتسوقين ! حتى لو كانت عيونك مووب ذاك الزود لا تقولين عيوني ميب زينه ليش اغطيها ؟؟ لا تقولين ماحطيت كحل ولا شادو ليش اغطيها من زينها كل هذا تلبيس ابليس , احذري منه والله يوم القيامه بتتعلق برقبتك أُمة كلهم يقولون: يارب هي اللي فتنتنا .. يارب هي السبب .. وأنتِ هذاك الوقت محتاجة للحسنة الوحده .. والله اللي ما تخاف بالدنيا .. بتخاف بالآخره.. وبعدين ذنوبنا أكثر من إننا نتحمل ذنوب خلق الله ! تكفون يابنات خلونا قويات .. خلونا نقوى إبليس .. وتذكروا ( من ترك شيئاً لله .. عوضه الله خيراً منه ) وعاد مايحتاج نتكلم عن التعويض اللي بيجيك من الكريم .. الله يتوب علينا , ويفتح على قلوبنا.. دعواتكم