تكفون يابنات الرياض ابغاكم تساعدوني ماعاد فيه وقت

السلام عليكم
بنات أبيكم تساعدوني زواج عمتي ماباقي عليه غير اسبوعين
وإلى ألحين ماحجزت لي كوافيره انا أبي ارقام كوافيرات شغلهم روعه وناعم مره
ويجون للبيت , بس هاه أبي شغلهم جنان ماابي اللي يسوون مكياج يخوف ولا
تسريحات خرابيط يلعبون بشعري ,انا اصلا شعري وسط مو خفيف مره ولا ثقيل مره
ومدرج من فوق إلين كتفي ابي كوافيره تتقن تسريحات الشعر القصير وابيها تعطي شعري كثر يعني
أبي كوافيره شاطره تعرف تحشي الشعر من جوه وتخلي شكله كثير مره
مو ملزق ولا خايس ,تكفون بنات ساعدوني بالارقام ويفضل لو تكون ارقام كوافيرات سعوديات
او حضرميات شاطرات لأني مره جربت مصريه ومره سوريه وندمت أشد الندم قسم بالله هي راحت من هنا ,وانا رحت الحمام من هنا وغسلت شعري ووجهي ! شفتو كيف >>>>ماعندها وقت
بااختصار ابي كوافيره فنانه ولكم مني جزيل الشكر