تنحط ع الجرح يبرى رواية روعة لا تفوتكم وكاملة

تكفين علميني اذا بتنزلينها كلها والا ماتعبت عمري اقراها واجلس احوس عالبارتات
لانها دايم تصير لي مالقت وحده تفاعل وسحبت ماعاد كملت
فا بليز خبريني قبل اقراها

ههه
لا ياقلبي انا مو من النوع الي يتغلى عليكم والله انها كامله بس ابي ردود
تحياتي ياقلبي
وهذا بارت لعيونكم

الجزء الرابع(الفصل الاول)........
عند الرجال...
قال خالد للرجال يتفضلون على العشا ويوم وصلهم رجع ومابقى بالمجلس الاعبدالله وخالد وفيصل...
خالد(بصوت هادئ وكله حنان):مااوصيك على اختي ياعبدالله
عبدالله:افا عليك توصيني عليها هي الحين زوجتي
خالد(وهو يغمز له):زين ماتبي تشوف حرمتك
عبدالله:الا اكيد ابي اشوفها
فيصل:ههه مستعجل
خالد:الحين بروح انادي عمي وعشان تدخل لان الحريم ينتظرون
وراح خالد ينادي عمه .......
عند رنا.........
شذى:يلا الحين بيزفونك
رنا(خايفه):الحين
شذى:أي شفيك
رنا:لابس خايفه
شذى:خلاص يلا انا بنزل
رنا:وين
شذى:بعد بروح يعني وين
رنا:وليه ابقي معي
شذى:انا ببقى معك لين الزفه وبعدين اتركك مو ارز وجهي عندك شبيقول زوجك
رنا:ههه حلوة
دخلوا البنات.......
هديل:رنا يلا ظبطنا لك الزفه
رنا:أي اغنيه حطيتو
ريم:حطينا لك موسيقى
رنا:ليه
امل:احسن عشان تطلعين رومانسيه
بسمه:وبعد مميزة
شذى:واحسن من الاغاني تجديد
رنا:يمه كلكم اتفقتو علي
الكل:ههه
دخلت عليهم ام خالد......
وعلى طول رنا رمت نفسها بحضن امها....
ام خالد:يلا يمه بلا دلع خلاص
ام خالد ماودها تصيح عشان لاتقلبها نكد على بنتها.....
رنا:يمه مابي اروح
ام خالد:يلا يمه خلاص وشنو ماتبين تروحين انتي خلاص تزوجتي ويلا انزلي عشان الزفه بتبدء وطالعت بالبنات وقالت عقبالكم يابنات
البنات استحوا اما هديل قالت:يارب
ام خالد: استحي يابنت
ريم:يمه ماعليك منها هذي وجها مغسول بمرق
الكل:ههه
هديل:لاوالله اقول لاتتصنعين قدام امي
ريم:شنو اتصنع انتي صدق وجهك مغسول بمرق
وقبل ماتبدء هوشه بينهم ام خالد قالت:خلاص انتي وياها ويلا رنا عشان تنزلين يمه............. وطلعت ام خالد
ريم:يلا رنوو
وحطوا موسيقى هاديه ونزفت رنا عليها وهي مرتعبه بس شذى واقفه جنبها وماسكه لها فستانها الي كان لونه ابيض وفيه فراشات سكريه ومن قدام على شكل فراشه روعه وغير تسريحتها الخيال ومكياجها الغامق الي مناسب لبشرتها الفاتحه ووصلت وقعدت على الكرسي
رنا:مشكورة شذاوي والله بغيت اطيح بس اشوة انك مسكتي الفستان
شذى:لما اقولك احمدي ربك ان عندك صديقه اسمها شذى تحمدين
رنا:ههه فاضيه تنكتين
شذى:وليه ماافضى شنو وراي
رنا:اي والله مو مثلي تزوجت ومابفضى انكت كله بالمطبخ
شذى:ههه حلوة لغتك المأساويه
وقطع كلامهم وضحه الي جت بابتسامه مصطنعه
وضحه:مبروك
رنا:الله يبارك فيك خالتي
وجت ام خالد بسرعه من شافت وضحه عشان لاتسم بنتها بكلامها
ام خالد:يمه الحين بيدخل عبدالله
رنا(خايفه ومرتعبه)............
شذى(حست فيها وضغطت على يدها وهمست لها باذنها):حبيبتي انا رايحه وهدي نفسك مو كل ذا خوف
وماعطتها مجال تركتها وراحت ودخل عبدالله وكان على يمينه ابوه وعلى يساره خالد وكان عبدالله طالع روعه وجنان ونفس الشي خالد......
راح لها عبدالله وباس راسها وهي مستحيه وسلم عليها عمها وبعد كذا خالد وطلعوا وكانت امل تطالع بخالد>>> يعني تقزه ههه
جت ام خالد:يمه لااوصيك على رنا
عبدالله:بعيوني ياخالتي
ام خالد:وانتي يمه رنا
رنا:انشالله يمه
وجت وضحه وسلمت عليهم وراحت وهي تتوعد برنا
وبعد كذا البنات سلمو عليها وقرايبها وقرايب عبدالله
بعد كذا قام عبدالله ومد يده لرنا وحطت يدها الصغيرة والناعمه بيده الكبيرة وطلعو عشان تصورهم المصورة وبعد التصوير قعدوا بالمجلس لحالهم
عبدالله:مبرووك
رنا:الله يبارك فيك
دخلت عليهم بسمه وقالت:احم احم ماكون قطعت عليكم شي
عبدالله:انا تكلمت عشان تقطعين علي وقولي لصديقتك تتكلم للحين ماسمعت صوتها زين
رنا تفشلت وقالت بقلبها لاوالله انت الي ماتسولف
بسمه:اوه بعدين تتعود عليها وتقعد تقرقر فوق راسك
رنا خزت بسمه وبسمه ضحكت عليها
بسمه:عبدالله وين بتروحون شهر العسل
عبدالله(طالع برنا):مفاجاءة
بسمه:قولي باذني
عبدالله:اقول روحي نادي امي وخالتي بسلم عليهم قبل مااطلع
بسمه:وين بتروح والعشا
عبدالله:رنا تبين تتعشين
رنا(بحيا):مالي نفس
عبدالله:سمعتيها خلاص خليها براحتها
بسمه:اكيد بتقول كذا وانت هذي لهجتك ماتغيرها ووين رايح حظرتك
عبدالله:بروح ابدل وارجع والتف على رنا :وانتي بعد اجهزي عشان اخذك ونروح
بسمه:اليوم بتسافر
عبدالله:ايه يلا روحي ناديهم
بسمه:انشالله
وناداتهم وسلم عليهم وطلع عشان يبدل ويجهز ورنا من اول ماطلع صياح بحضن امها وامها تهدي فيها وشذى عندها يعني على قولة امل صار فيلم هندي ههه
وطلعت رنا وجهزت اغراضها ولبست بنطلون جينز فيه تطريز ناعم بني وبلوزة بيج وفيها تطريز بني روعه
ولبست عبايتها وطلعت وجا عبدالله وسلم عليها عمها وبعد كذا خالد واصر عبدالله ان هو الي يسوق ومايحتاج يجي خالد وطلعو على المطار
بالمطار....
عبدالله:رنا تبين تاكلين شي
رنا:لامشكور
عبدالله:مايصير ماكليتي شي من الصبح
رنا:مالي نفس
عبدالله(ماحب يضغط عليها):براحتك
وراح جاب له جريده وقعد يقرا ورنا مقهورة انه مطنشها وبعد كذا نادوا على الرحله للندن وقاموا عشان يركبون الطيارة ......
انتهى الفصل الاول من الجزء الرابع....
.................................................. ....................
الجزء الرابع(الفصل الثاني):
بيت ابو عبدالله:
وضحه:والله ماخليها تتهنى انا اوريها
بسمه:يمه حرام البنت ماسوت لك شي
وضحه:اسكتي انتي مالك دخل انا اعرف شلون اجيبها من شهر هالعسل واخليه عليها بصل
بسمه:يمه شتقولين انتي الحين البنت ماشفت منها شي ولاسوت شي
وضحه:قلت لك اسكتي فاهمه ومالك دخل بالي اسويه والحين تشوفين شبسوي
بسمه:يايمه خلي البنت بحالها
وضحه:بسمه بعدي عني واذلفي لغرفتك للحين اوريك شغلك (وصراخ):قومي يلاا
وطلعت بسمه وهي زعلانه على امها وعلى هالافكار الي ماتدري وين بتودي امها
اما وضحه فكرت بانها ترجع عبدالله ورنا بفكرة حلوة وتخرب عليها شهر العسل وكانت هذي البدايه وماندري وين بتوصلها النهايه
وضحه(تكلم نفسها):ماشفتي شي يامنيرة(ام خالد) والله لخلي حسرة بقلبك على بنتك مثل مااختك خذت مني كل شي خل يجي الصبح وانا اوريك يابنت منيروه
في لندن (بالاوتيل):الساعه 9 صباحا
جلس عبدالله وشاف رنا واقفه قال:بتوقفين هنا للصبح تعالي اقعدي
تفشلت وجت قعدت..
عبدالله:ماتبين تفطرين
رنا:لا مالي نفس
عبدالله:كل شي اقولك مالي نفس شلون وانتي ماكليتي من الصبح ويلا قولي شتبين تاكلين
رنا:خلاص براحتك أي شي
عبدالله:يعني ماتبين شي معين
رنا:لا بس مايكون بيض
عبدالله:شمعنى
رنا:بس ماحب البيض
عبدالله:اهاا تصدقين مثلي ماحب البيض
رنا:ههه حلو
عبدالله:والله انتي الحلوة
رنا(استحت وقالت بخاطرها هذا مو ناوي على خير)
عبدالله:شفيك سكتي
رنا:هاه ... لا... ابد
عبدالله:ههه خلاص خلاص انا بقوم اطلب
ورنا من اول ماقام وهي تسب نفسها ياربي شفيني الحين شيقول عني انا ليه استحي طيب اوف
رجع عبدالله وقال:انا طالع شوي وبرجع
رنا(بزلة لسان):وين
بعدين على طول نزلت راسها وغاصت بملابسها من الحيا ههه
عبدالله(ابتسم وقرب منها):بروح اجيب كم غرض لنا وبجي وعشان انتي تبدلين ملابسك
رنا:اوكي
وطلع وهي قعدت تدور بالجناح حلو وفخم وكبير وطالعت السرير واستحت موت وراحت دخلت وخذت شاور وبدلت ملابسها ولبست فستان وردي فوق الركبه وناعم وطلعت وكان عبدالله راجع ومنسدح على السرير اما هي استحت وقعد عبدالله يطالع فيها بنظرات حرقتها هذي اول مرة يشوفها طبيعيه وبدون مكياج وشعرها المبلول على كتوفها طالعه روعه وقمة البراءة والطهارة....
دق الجرس وكان الفطور راح يفتح الباب ورجع وقال:تعالي كلي يلا
رنا:انشالله
وقاموا ياكلون وطول الوقت وهو يناظر الملاك الي قدامه وهي مستحيه من نظراته مو ماخذه راحتها
رنا:الحمدالله شبعت
عبدالله:وين ماكليتي شي
رنا:لا خلاص شبعت
عبدالله:براحتك
وراحت قعدت عند التلفزيون وهو خلص اكل وراح للصاله ولقاها منسدحه على الكنبه ونايمه وشكلها نامت وهي مو حاسه من التعب قرب منها وقعد يتاملها شلون هي حلوة وصغيرة بعدين قال بهمس:رنا
وهي صحت وخافت قالت:شتسوي
ضحك عليها وقال:ولاشي بس ليه نايمه هنا وشكلك تعبانه قومي نامي داخل
رنا(ماعرفت شتقول بس مضطرة):لاخلاص هنا مرتاحه
عبدالله(ماسمع كلامها وشالها وهي ماتت من الحيا ) وقالت:خلاص نزلني تكفى
عبدالله:مافيه
رنا:عبدالله تكفى
وخذاها للغرفه ........................................
رنا:عبداله
.......................ولاحياة لمن تنادي..................
.................................................. .......
بيت ابو عبدالله ......
صحى ابو عبدالله على صراخ وضحه
وضحه(بصراخ):اّاّاّاّه ه
ابو عبدالله:شفيك ياحرمه
وضحه:الحقوني راسي يعورني اّاّه
جت بسمه ركض
بسمه:يمه شفيك
وضحه:اتصلي على عبدالله ابيه ابي ولدي
ابو عبدالله:ياحرمه هو الحين بشهر العسل لاتخربين عليه
وضحه(بصراخ اعلى):اّاّه احس اني بموت
بسمه:بسم الله عليك يمه قومي نوديك المستشفى
وضحه:لا ابي اشوف عبدالله احس اني بمووت بشوف ولدي قبل ماموت تكفون (وقامت دموع التماسيح)
ابو عبدالله:امشي نوديك المستشفى
وضحه(بصرااخ):اتصلو على عبدالله الحين اّاّاّاّاّاّاّاّاّه ه ه
بسمه:خلاص يمه مايصير خاطرك الا طيب
ابو عبدالله:شتقولين انتي
بسمه:يبه امي تبي تشوف عبدالله وهي تعبانه خل نتصل عليه وبعدين ماهو طاير شهر العسل
وطلعت تتصل عليه وكان عبدالله نايم وكان قافل جواله لان نسى يفتحه بعد مانزلو من المطار
بسمه:مايرد يمه
وضحه:لا دقو عليه الحين
بسمه:يمه قافل جواله

مكتب خالد:
فيصل:اقول يابو فيصل
خالد:قول شكل وراك شي
فيصل:ههه تعرفني هاه
خالد:ههه ايه افا عليك اعرفك اكثر من اهلي
فيصل:على سيرة اهلك ابي القرب منك
خالد:وضح
فيصل:بالله شلون يعني ابي القرب منك يعني ابي اصير نسيبك
خالد:والله نتشرف يافيصل ومااتمنى لخواتي الاواحد مثلك
فيصل:يعني موافق
خالد:اكيد مايبيلها كلام
فيصل(بزلة لسان):انا ابي اختك ريم
خالد(استغرب):شلون عرفت اسمها
فيصل(بسرعة بديهة مرت على خالد):اختي تعرفها وتكلمت عنها
خالد:اهاا اجل تشرف يابو خالد بأي وقت جيب الاهل وتعال
فيصل:يناسبكم بكرة بعد صلاة المغرب
خالد:تمام
لندن..........
عبدالله(يهمس باذن رنا):رنا حبيبتي قومي
رنا(صحت واستحت):صباح الخير
عبدالله(ضحك عليها):أي صباح واحنا نايمين الصباح والحين المساء بس ولا يهمك صباح الورد لاحلى ورد>> هذا الي ماكان يبي يتزوج ههه
عبدالله:ويلا قومي ننزل نتمشى
رنا:انشالله
وقامت وخذت شاور وصلت ونفس الشي عبدالله وبعدين لبست بنطلون جينز مطرز بوردي وبلوزة ورديه وخذت لها شال وردي بتطرييز روعه وقالت مابتلبس عبايه لانه ساتر ولبست الشال وخذت شنطه جينز وفيها وردي وطلعت وقالت:انا جاهزة
عبدالله(طالعها من فوق لتحت وقال):كل يوم تفاجئيني بجمالك الصراحه
رنا(استحت وقالت):مشكور
عبدالله:على شنوو
رنا:على المجامله
عبدالله:هذي مو مجامله
رنا:طيب احنا مرح نطلع
عبدالله:نساني جمالك شسوي
رنا:عبداله
عبدالله:ههه خلاص خلاص امشي
وطلعوا وتمشوا وشرو هدايا وتعشوا وبعد كذا رجعوا....
رنا:مشكور على هالطلعه وناسه
عبدالله:ههه اعجبتك
رنا(بحماس):ايه وناسه ولاالقارب الي ركبناه
عبدالله:انشالله كل يوم اخذك اماكن زي كذا تستاهلين
رنا:مافي افلام هنا
عبدالله:الاشرايك نطلب فيلم
رنا:اوكي
عبدالله:شنو انواع الافلام الي تحبينها
رنا:كل شي الا المرعب والقتل وهالاشياء ماحبها
عبدالله(طالعها بخبث وقال):اها خلاص نطلب كوميدي
رنا:حلو
وطلب عبدالله الفيلم وكان مررعب ودم وقتل ورنا كانت تكره الافلام الي كذا وتخاف منها وكانت دايم اذا ورتها ريم هالافلام ولو مقطع تقعد تصيح وتنام عندها من الخوف كانت هذي نقطة ضعفها دايم ورنا ماتدري بالفيلم الي طلبه وقعدت قريب منه بس مو مرة
عبدالله:تعالي اقعدي جمبي
رنا:هذاني جمبك
عبدالله:لاقربي
رنا(فهمت قصده):لاهنا مرتاحه
جاها وقرب هو منها واول مابدا الفيلم
رنا:هذا مو كوميدي
عبدالله:اصبري شوي
رنا(بخوف وشوي وتصيح):لا تكفى لاتقول مررعب
عبدالله(بخبث):لالاتخافين
وبعدين جت لقطة دمان وتقتيل ورنا خافت ونزلت دموعها وجت بتقوم تهرب بس عبدالله مسك يدها وجلسها جمبه وهي من الخوف غطت عيونها بيد وحده واليد الثانيه ماسكها عبدالله فبدون شعور منها دفنت راسها بصدر عبدالله وقالت(بصياح):تكفى عبدالله وطي الصوت صوته يخررع تكفى شيل الفيلم
وقامت تصيح تفاجئ من ردة فعلها وهي قاعده تصيح على حضنه قام طفى التلفزيون بس هي ماهدت زاد صياحها وعبدالله ضمها وهي تمسكت فيه وقعد يمسح على راسها وهي تصيح وبعدين هدت وبعدت عنه مستحيه وقالت له بعتب:ليه تسوي فيني كذا قلت لك اني اخاف
عبدالله(ندم انه سوى فيها كذا حسب انه دلع بس طلعت صدق تخاف من هالاشياء والمناظر هذي وقال):اسف ياعمري مادريت ان كل هذا خوف
رنا(بطفوله وبراءة اعجبت عبدالله):الحين مرح اقدر انام من الخوف
عبدالله:تخافين وانتي بحضني
رنا استحت ونزلت راسها وهو قال:امشي ننام واسف مرة ثانيه يالغاليه
ومسكها وضمها وراحوا عشان ينامون وهو للحين ناسي جواله مقفل بعذره الي يشوف رنا ويقعد معها ينسى كل شي ههه
اليوم الثاني في بيت فيصل والي ماتعرفونه ان امل تطلع اخت فيصل وله اختين صغار تغريد ورغد وله اخ اسمه وليد مالهم دور كبير بالقصه او بالاصح مالهم دور وابوه متوفي
ام فيصل:هذي الساعه المباركه يمه انك تتزوج
فيصل:ايه يمه وبعد صلاة المغرب بوديك لهم تشوفين البنت وتخطبينها لي
ام فيصل:انشالله يمه وبنات ابو خالد كلهم يهبلون يايمه
فيصل:يمه مابيهم كلهم ابي وحده منهم
ام فيصل:خلاص يمه اختهم الكبيرة تزوجت والصغيرة تدرس بخطبلك ريم
فيصل(فرح مووت):خلاص يمه الي تشوفينه
دخلت امل علييهم
امل:شفيك فرحان انتبه لاتطير
فيصل:ههه ياخف دمك
امل:ادري انه خفيف
فيصل:تكفين
ام فيصل:عن المناجر انت وياها يمه امل اخوك بيتزوج
امل:ههه مين فيصل ههه
فيصل(عصب):اقول لحين بالعقال
امل:لاامزح معك من سعيدة الحظ
ام فيصل:بنت ابو خالد ريم
امل(انصدمت):ريم
فيصل:ايه شفيها
امل:لاابد اصلا ريم تهبل وعسل وقمر كل شي فيها حلو
وقامت من عندهم وراحت ركض لغرفتها تكلم ريم
ترن
ريم:اف من الفاضي الي يدق الحين ...... الو
امل:رييم الحقي
ريم:شفيه بعد
امل:اخوي خطبك من اخوك
ريم:نعم
امل:ايه واليوم بيجوون
ريم:والهندي
امل:ههه انسيه والله ترى اخوي احلا منه ويهبل
ريم:ابي الهندي انا
امل(بجديه):ريم الهندي حب غبي مراهقه وطيش اما انا اخوي خطبك وياتوافقين وياترفضين واخوي صديق اخوك واكيد اخوك بقولك عنه وانا اقولك عن اخوي فيصل انه نعم الرجال واتمنى لو يجيني نصيب مثل اخوي انا مااقول لانه اخوي لالانه هذا صدق وانتي اكيد اخوك بيكلمك عنه وماهو مزوجك له الااذا كان صدق رجال
ريم(اقتنعت):خلاص اصلا بوافق ومالي كلام يكفي انه صديق خالد وخالد دوم يتكلم عنه وعن الاخوة والصداقه الي تربطه بفيصل وانه نعم الرجال
امل:وافقي من اقتناع وانا مرح ازعل اذا رفضتيه وبتبقي صديقتي للابد
ريم:ياعمري ادري ويلا هذا خالد يناديني
امل:باي
ريم:بايات
وراحت ريم لخالد .............
-------------------------------------------------------------------------------------------------
لندن..........
رنا:عبدالله
عبدالله:عيونه
رنا(بخجل):تسلم عيونك بس ابي اكلم اهلي ممكن
عبدالله:اكيد ويووه
رنا(خافت):ايش
عبدالله:بس انا غالق جوالي من اول ماوصلنا هنا
رنا:خلاص افتحه
عبدالله:هذاني بفتحه
وفتحه ولقى رسايل من بسمه فتحها ولقى امي تعبانه حيل وتبيك ورساله ثانيه عبدالله بسرعه تعال امي تقول تبيك ومن هالرسايل وهو خاف وبان على وجهه وسالته رنا:عبدالله شنو في
عبدالله:مدري بسمه رسلتلي رسايل تقول فيها ان امي تعبانه
رنا:طيب دق شوف
عبدالله:هذاني بدق بشوف شالسالفه
ودق على بسمه..........
بسمه:الو
عبدالله:هلا بسمه شفيها امي
بسمه:مدري شقولك عبدالله بس تقول انها تعبانه حيل وتبي تشوفك
عبدالله:خلاص انشالله نشوف اول طيارة
بسمه:لا عبدالله شلون تخرب شهر العسل
عبدالله:قلتلك على اول طيارة ويلا باي
بسمه:باي وسلم على رنا
عبدالله:انشالله
وسكر ........
رنا:شفيها خالتي عبدالله
عبدالله:تقول بسمه انها تعبانه حييل وتبيني
رنا:مايبيلها كلام خذ لك اول طيارة
عبدالله:هذا الي بسويه بس شلون اخرب عليك شهر العسل واحنا ماكملنا اسبوع
رنا:شهر العسل نعوضه بالايام الجايه بس امك مابتعوضها ويلا احجز على اول طيارة
عبدالله تفاجئ منها وحبهاا موت زياده وكبرت بعينه كثيير وعرف انها نعم الزوجه واحسن زوجه ممكن تكون
عبدالله:ياقلبي وانا اوعدك اني اعوضك
رنا:وانا متاكده ويلا شوف اول طيارة رايحه للرياض
وراح يحجز ويشوف اول طيارة نازله للرياض وكانت الفجر وحجز.......................
بيت ابو عبدالله:
بسمه:يايمه خل نروح الدكتور اربع ايام وانتي بهالحال
وضحه:انا مابي غير عبدلله واّاّاّه ياراسي
طبعا كل هذا تمثيل عشان تخرب على رنا وعلى قولتها انه هذي البدايه وتو رنا ماشافت شي
ودق جوال بسمه وكان المتصل عبدالله......
عبدالله:الوو بسمه امي صار لها شي فيها شي
بسمه:شوي شوي بس تعباانه حيل وتق

روعه الرواايه
بس تكفين كملي لاتسحبين عليناا
دمتي بود

روعه
قريت الجزء الاول ان شاءالله بكملها بعدين
معاك خيتو

مشكورين على الردود بس ان شالله راح انزل بارت بكرا

افا
وين الردود
ترى ماراح انزل بارت الى بردود