تهئ تهئئ سااعدوني مابقى شي

1. حدههم اسبوع رجعوا لطريقتهم السابقه

قصتي باختصار زوجي تزوج علي زوجه اخرى اسكنها معي بنفس البيت
وطيلبني اصير معهم على طول جيته على كيفه
ومارأيت منهم الا كل شي شين
غير الليله اللي مايعطيني اياه طبعا صارت مشاكل على هذا الشي
انتهت بهروبي لبيت اهلي
ورجعني وطلب اعيش معهم وانه بيحسن علاقته فيني وانه مراح يضايقوني
ورجعت بنفس شروطه

حدههم اسبوع رجعوا لطريقتهم السابقه

تركتهم وحااولت قدر الامكان اني ماحتك فيهم ولا اشوفهم الالمحات بحكم انا عايشين ببيت واحد
وزوجي مايبي كذا طلب اجي اعيش معهم يعني اكل واشرب معهم واجلس معهم (وهو طبعا غرفتي مايدخلها عاد تعرفون الرجال ان اذا مايبون يطلعون اعذار مره غرفتك مو مرتبه والله انها ارتب وانظف من غرفتها 1000 مره ومره عيالك يزعجونني والحمدالله عيالي مربيتهم احسن تربيه والكل يشهد ومره انتي دبا مع ان زوني 64)
المهم ماعجبه كذا اني صرت ماجلس معهم ولا اكل معهم راح طلقني واخذ عيالي اللي انا كنت انفق عليهم عمره ماجاب لهم شي ابد ابد
رحت لاهلي وارجعني قبل تنتهي العده
ههه
(مانتهت هالجلسه معنا)
قال ارجعي لبيتك وبشرط ان غرفتها بتكون جننب غرفتك وحماامككن واحد وهو اصلا ماينام عندي كيف تجي هذي
المهم رفضت ورفضت وقلت لا اصلا مو جاايه البيت االا بشرط
تحااول بقد مااتقدر تحط لي مخرج مابي اشوفها
طبعا رفض
وعيالي حبت عيني اشوفهمم كل اسبوع يومين
وكنا على بدايه المدارس وولدي الكبير بيدخل المدرسه
ورحت استأجرت بيت بنفس الحي
وطلبت عيالي واعطانياهمم
طبعا ينامون عندي واول مايصحون ياخذهم ويجيبهم على وقت النوم
سنه ونصف انا وهو على الموال لازم ترجعين وتجلسن معننا وانا اقول ابي مخرج عنكم
بالله كيف وهو مايبيني ولاينام عندي
ولاحتى يحترمني
المهم بعد سنه ونصف اقتنع يسوي لي مخرج ولي حيااتي الخاصه
قبل 3 اسابيع زوجته راحت زياره لاهلها وجيت وجبت اغراضي طبعا هو الليطلب مني لانه يقوول اصلا زوجته تبي تطوول عند اهلها ومراح تجي الا شقتك منتهيه
جيت عندهم وانتظر شقتي تنتهي اللي باقي لها الان اسبووع الى اسبوعين
هاليومين يقول خلاص حتيجي وبيتك مانتهى
بيتي بااقي فيه اسبوعين او اقل
وانا اقوله طيب اصبر اسبووع يقوول لا عيشي معها
او
دوري لك شقه برا وروحي وانا كنت اقوله مابي اترك شقتي لحد ماينتهي بيتي
وهو يقوول لا بتنتهي وهي ماجت
المشكله اني عنده الحين وهو بغرفه وانا بغرفه واسمع امه تكلم بنتها بالتلفون تقول اني هاوشته وقلت ليش ماتنام معها وانه يقوول لها اني انا رفضت انه ينام معي (يتكلم علة لساني)
وانا اول ماجيت قلت ليش ماتنام معنا قالي بالله انام وانتي دبا
وعرفت ان الاخ مانتهى عن مسلسله
وطنشت يعني صح اسولف معه لكن خلاص صار مايهمني ينام عندي اولا
الحين مصروملح
ان بكره بتجي ويبي اجلس معهم وشقتي مانتهت
ويبي اتفرج عليه وهو مشتاق لها
وهو فرحان بجيتها
لانه يقول انتي السبب اللي خليتيها تطول عني مع انه هو اللي قال اتركي شقتك وتعالي
انا مابي اخربها معه
لكن بنفس الوقت ابيه يأخرها لحد اسبوع عشان يمدي تنتهي شقتي
مدري اطلع شقه برا او كييف اسوي
وكيف اتقبل جيتها
على فكره ان جت بيستقبلون بعض بالاحضان
وبيكملون مسلسلهم اللي قبل سنتين
ساعدوني
اقلها اوقفوا معي لحد ماتعدي هالفتره ابيكم تعطوني القوه (اقصد فتره جيتها)
ملحوظه :انا مرتبطه بمدرسه وعيالي كمان من شان كذا ماقدر اروح لاهلي وهم بعيد )