توزيعات أشكال وألوان تحتاري

بسم الله الرحمن الرحيم
كيفكم فراشات إن شاء الله تكونو بصحة وعافية ...
طبعا كالعادة احوس و أدوس في النت...وجات على باي فكرة ...
وهيا التوزيعاات إلى يوزعوها في المناسبات كلها
مثلا الزواج ويجى تحته ستين شئ..قبل الزواج يوم الحنة وقت الزفة((بلاوي متلتله))ههه
و كمان لما يجي طفل على الدنيا ((توزيع في غرفة الام..في بيتها ...في السابع...في بيت امها...وغير
هادا إلى اعرفو يوزعو فيه مدري كمان ايش يطلع
اظن في التخرج...وفي كل شئ حتى تصورو في العزاء...صار يوزعو....
المهم التوزيعات شئ حلو وذكرى احلى بالذات لوكانت مميزة
وانا اليوم من الصبح اجمع في صور توزيعات.....
إلى ماشفت موقع ...فيه اشكال وانواع وبالسعر كمان....
فنقهرت على الوقت إلى قعت اجمع صور واحفظها عشان انزلها هنا...
فقلت بالمختصر المفيد اعطكيكم الموقع
الموقع الأول اسمة (( my Dream wedding )) اضغطي على نفس الكلمة....
طبعا الرابط دا مو بس توزيعات للزواج لكل شئ للأطفال للتخرج واشياء كتير....
من اللفلفة نفسها دي التوزيعات حصلت في تاجرات يبعوها تخيلي بكم الأسعار من 15 ريال إلى 20 وفوق للحبة...وشفي سعرها في الموقع بالجملة....اكتبو في قوقل توزيعات وشوفي بنفسك....
وكمان من اللفلة في شوارع النت شفت دا الموقع microdwarf عجبني وحبيت اوريكم هوا....
للاسف نحنا ماعندنا زي كده مواقع ولا بالأسعار الرخيصة شايفين الأسعار....
وبس
وإلى تحب انزل من الصور تقول إلى تبغا وانزل لها.......
المحبة دايماً وابداً
الأوركيدا