جامعة الاميرة نوره

جامعة الأميرة نوره لها فروع كثيره
كليه الآداب
كليه التربية الأقسام الأدبية
كلية التربية الأقسام العلميه
السنه التحضيريه
الخدمة الاجتماعيه
كل مكان يختلف عن الثاني حددي أيش تبين بالضبط يمكن أقدر أساعدك إذا كنتي نفس كليتي

السنه التحضيريه طبعاً هي بالرياض الي سجلت اختي فيها بس ابي اعرف عنها كل شي ومشكوره يالغاليه على تجاوبك معي ياليت تعطيني اي معلومه عنها

رفع لعيوني

اب

وش فيكم يابنات ياألهي معقوله محد يعرف ؟؟!!!!

آنآآ معآك " سنة تحضيرية"
سمعت آنهم متسآهلين آنتي حددي وش قصدك ؟؟

شوفي من ناحية اللبس كل شي عندهم مسموح اللي تبين وبأي لون عادي
ومن ناحية الراحة النفسية انا ارتحت فيها كثير ما ادري عنك بس الى يومك هذا وانا احمد ربي اني ما انقبلت في جامعه غيرها
وان شالله تنبسطين فيها
اي استفسار ارسليه لي ع الخاص لأني احتمال ما ارجع للموضوع مرة ثانية

هل حبيبتي
يمدحون مبناها التحظيري
قد زرت الجامعه موب التحظيريه والجامعه عاديه لاكن جوها حلو وجدن مريحه
بالتوفيق

بنات ياريت تجاوبوني على اسألتي عن هالجامعه اللي انقبلت فيها وانا مادري عنها ..
* من ناحية اللبس (البلايز كيف اي لون والى اي حد الأكمام )
* والتنوره لازم سوداء وطويل ولا عادي ميدي ..
* والجوال كيفهم معاه يسمحون ولا لا ؟
* وشكلها من داخل مريحه نفسياً ولا اتحسين انها كبيره واتضيعين فيها ؟
* وهل نضطر دايما اننا نكون براا بالحر والقرف ( والبشره تروح فيها )ولا في اماكن
مهيئه .
* والموظفات اخلاقهم حلوه ( مثلا انا فاتني موعد اصدار البطاقه
هل في بهذله ولا مااأشيل هم ..)
* والدوام كيفهم من كم الى كم ؟
* وهل انا على كيفي في ترتيب جدولي ومحاضراتي والمواد اللي اقدمها بالترم الاول
عن الترم الثاني ولا ملزومه مثل المدرسه ..
* وهل في ايام أوف ولا بلاش
* واذا تعرفون عن المسار العلمي ( صعب > يناسب وحده متزوجه وحالتها حاله
ولا عادي اللي تمشي اول بأول راح تعدي مضبوط )
* وهل اللي ماعندها فى اللغه شيء تقدر تمشي مضبوط ..
وسوري على الاطاله _ بس وربي محتاجه اجابه ..
والله يوفقكم يارب ..