جبت العيد في شعري انا خلاص بصيح ساعدوني

1. اولا بعطيكم وصف لحالة شعري

حبيباتي الغاليات تكفون نخيتكم لازم تلقون لي حل قبل ما اتهور واحلق كشتي لاني خلاص طفشت منها

اولا بعطيكم وصف لحالة شعري

متقصف بشكل كبير جدا ومن جميع اتجاهات الشعر يعني ما اقدر اقص الشعر المتقصف لاني كذا راح اقص لفوق الاذن ..... باهت وليس به اي حياه والشعر المتقصف نافش وطاير بكل جهه ... خفيف وبه تموجات كثيره والشعر ضعيف ويتساقط بكثره اضافه الى ذلك جاف الى ابعد حد وخشن .
آخر شي توصلت له كان الآتي :
صرت استخدم حبوب الفوليك حبه في اليوم
سويت خلطه زيوت كانت عباره عن : زيت سمسم + زيت دابر املا + زيت اللوز المر + زيت اللوز الحلو + محلب مطحون + سمسم محمص ومطحون طبعا انا مخليتها مع بعض في العلبه ولا صفيتها ولا شي
واستعملتها خلال اسبوع واحد ثلاث مرات اخليها ما بين ساعه لساعتين بعدين اغسلها بالشامبو
دهنته مره بماسك للشعر عباره عن الأتي : مايونيز + بصل مفروم + مجموعه الزيوت سابقه الذكر + الفازلين السائل للشعر + كريم فاتيكا للشعر وسويت هالماسك مره وحده بس
بعد هالخلطات شعري زاد جفافه وصار اخشن من اول وصار متشابك بشكل فضيع وزاد في البهتان وفوق ذلك احس الشعره ميته ولا كأن بها اي حياه والتساقط طبعا زي ما هو لا خف ولا هم يحزنون
تكفون ابي شوركم وش اسوي معاه
انا كان ودي استمر على طريقتي فتره طويله بس النتائج السلبيه ظهرت من اول مره فتوقفت
تكفون ساعدوني