جبت لكم الخبر من بدويه سر شعر بناتهاا

كل عام وانتم بخير ولو انها متأخره
شخباركم ان شاء الله بخير
جبت لكم خلطه انما ايه
من بدويه
وشعر بناتها لا اله الا الله
شوف عيوني يهبل تبارك الله اذكروا الله,,
كثير وناعم خيال ويطول بسرعه
ماتلحق تقصه الا طال
من جد ماشاء الله عن عيني وعين غيري
وحنا نسولف قمنا قلنا لها:
وراه ماتقصين قصة بنتك مغطيه على عيونها
قالت والله اني قصيتها لها بس تطول بسرعه تبارك الله
تقول توني قاصتها وطالت بسرعه
قلت دام كذا ارفعيه لها بشباصه عن عيونها
وحليلها الحرمه طيبه مره قالت لي سر شعر بناتها
بس ابي منكم تدعون لها
ربي يهون ولادتها وتولد بالسلامه
لأنها واصل وادعوا لي اللي جبت لكم الخبر
ان ربي يوفقني ويسهل امري ويرزقني اللي اتمناه يارب
وانا ناويه ابدأ بالخلطه هالاسبوع ان شاء الله
الخلطه عباره عن:
زيت زيتون علبه كبيرة<< علبة قزاز وهي تستخدم زيت زيتون الوزير
هذي صورته
اليوم شريته عشان بجربها
وراس كامل ثوم تبشرونه ناعم
مره وتحطونه على الزيت بالعبله ,,
هذي صورة الثوم اقصد وحده كامله مب فص اوكي ؟؟
وبيالة قرنفل(مسمار) مطحون
<< اللي مايعرفون بياله ام ياربي وش اسمها
ام بوصف لكم شكلها هي كاسة الشاي الصغيره اوكي ؟؟
هذي صور للمسمار
وهذي صورة البياله اللي اقصدها
وتضيفونها للزيت وتنقعون الخلطه لمدة يومين
بعدين تستخدمونها مرتين بالاسبوع لمدة ساعه او ساعتين
وطبعا ترجون العلبه قبل الاستخدام عشان الثوم والقرنفل مايقعد بالقاع
ولاتنسون جذور الشعر ادهنوها زين
واللي عندهم فراغات بالشعر بتلاحظون ظهور الشعر مكان الفراغ
وأنا تأكدت منها قلت لها زيت الزيتون مايطيح الشعر
قالت ابد بالعكس هذي شعوري بناتي ماشاء الله ماضرهم
منقول