جربت كل الطرق ومع كذا حملت بالبنت الثالثة وانتظر الطلاق

معليش اختي بس عقول متخلفه ..
كل شئ بيد الله .. مهماا عملت الوحده ماراح تغير قدر الله
يعني اذا زوجك عقليته كذا انتي تطاوعيه
ارجعي لربك هو بيده كل شئ .. ماتقدري تسوي شئ لو لفيتي العالم كله تتعالجي وتستخدمي وتجربي
كله راح يروح هباء منثورا ..
معليش اذا كلامي كان قاسي ..

شوفي يختي هذا البرودكاست ادري انه ماله خص بس ابيج تشوفين الرجاجيل كيف يفكرون
واحد و وحدة توهم متزوجين قرروا انهم راح يقعدون بالبيت لحالهم و ما راح يفتحون الباب لاحد .. حتى اهل الزوج و الزوجة .. يبون يقعدون مع بعض لحالهم و ما يبون احد ..
بعد اسبوع: طق الباب .. و راحت الزوجة ناظرت بفتحه الباب لقت اهل الزوج .. همست لزوجها ترا اهلك برا !
قال لها: مو خلاص متفقين ان ما نفتح الباب لاحد ؟ قالت: اوكي خلاص ما راح نفتح
بعد اليوم الثاني:
طق الباب و طلت الزوجة بفتحه الباب لقت اهلها .. فتحت الباب و على طول خمتهم و رحبت فيهم: وحشتوني .. صارلي اسبوع متزوجه و لا جيتو تسلمون عليي !!
الزوج : *كل علامات الاستغراب على وجهه* : هلا هلا و الله يحييكم
و راحت الزوجه تدهر و تطبخ و تنفخ غدتهم و عشتهم .. و الزوج ساكت طول اليوم ..
مرت سنين و سنين .. و حملت الزوجه باول مولود و طلع ولد .. ما فرح الزوج و لا سوا عزيمة ..
جابت الولد الثاني .. ما زارها بالمستشفى
جابت الولد الثالث ... هددها بالطلاق و قالها لو ما جبتيلي بنت بتركج انتي و عيالج !!!!
و اخر شي جابتله المولود الرابع و طلع بنت !!
فرح و سوا عزايم و ذبايح للأهل .. و دللها و دلعها و شرا للبنت كل شي و زياده
بالنهاية لما سألوه الناس .. ليه ما فرحت يوم جولك 3 اولاد قبل البنت و لا فرحت فيهم زي البنت !! في احد ما يفرح ب 3 اولاد ورا بعض!!
قال: لاني ادري ان هالبنت اهي الوحيده اللي راح تفتح لي الباب لي تزوجت !

لا تفكرين بالسالفه ولاتحظين ف بالك اهم شي صحتك وصحت عيالك ...
روى رئيس لجنة التكافل الاسري بإمارة المنطقة الشرقية الشيخ غازي الشمري ان احد اقاربه وهو سعودي الجنسيه هدد زوجته في حال ولادتها انثى رابعة بالطلاق او الزواج من اخرى بحثا عن مولود ذكر بعد ان كان رزق ب 3 بنات، مشيرا الى ان قريبه ابدى تذمره من ولادة البنات ورغبته في رؤية مولود ذكر يحمل اسمه.
وأوضح الشمري في حديثه على قناة «الراية» ان زوجة قريبه وضعت مولودا ذكرا في ولادتها الرابعة، ولكن لم تكتمل فرحة والده الذي كان ينتظره على احر من الجمر بعد ان فوجئ بولادته مشلولا، واعمى، ويحمل نصف امراض العالم!
واشار الشمري في حديثه عن الانجاب الى انه رزق من الله، ويجب على الانسان ان يرضى بما قسمه الله له، لافتا الى ان من يرزق البنات قد رزق خيرا كثيرا وسببا يقيه من النار.
واستغرب غازي الشمري من تصرف بعض الاباء وفرحهم بولادة الذكر بينما يعتريهم الغضب من قدوم الانثى التي هي حجاب من النار في حال نفقتهم عليها وتربيتها تربية صالحة.
الله يقدم الي فيه الخير

حبيبتي ابعدي عنك التفكير
اهتمي بنفسك وصحتك وبيتك لو تضيقين خلقك اللي كاتبه الله بيصير
واحد اعرفه لما احملت زوجته بالثالثه تضايق مره لحد مازاره الا بوقت بعد الولاده ومايبي البنت لكن سبحان الله انقلب صار يموت عليه بمجلس كله رجال يقول جيبوا بنتي فلانه
اكثري من الدعاء والاستغفار
والله يسهل لك

لا حول ولاقوة الله بالله
الله يعينك على بلواك ويصبرك على الزوج هذا
بعدين يا اختى معروف علميا ان الزوج هوا اللى يتحكم بنوع الولود يعنى مو منك انتى
اسئلى دكتورك وان شالله بيوظح لك

مايصير كذا كيف تفكيرك ..
تبين تنجبين ولد غصب عن رزقك اللي الله يرزقك اياه
تذكري قوله
لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ
.
الله يهب لك البنات او الاولاد او البنات والاولاد معآآ ..
والله وصف من اللي يسوي كذا في البنت بالكظيم
{وإذا بشر أحدهم بالأنثى ظل وجهه مسودا وهو كظيم}.
اتقوا الله .. ولو تزوج اهم شئ تقوي الله وفعل ماأمر به واجتناب منهي عنه ..
مايصلح كذا.

الله يكون بعونك .
والله في ناس اعرف انو يتمنو ظفر بزره ليه زوجك زي كدا تفكيرو الله يهديه وبعدين خلاص مافي احد
صار يفكر زي كدا في نوع الجنين بنت او ولد المفروض يدعي الله يرزقو بالدريه الصالحه مو يقول ابغى ولد
وبعدين فين اهلك ليه ما يجلسو معه ويفهموه انو هدا شي مو بيدك اولا بيد الله سبحانه وتعالى
وتانيا هو السبب في نوع الجنين ولا هو مايدري .؟
هدا احسن حل لكي والله .
اليوم اختي كنت جالسه معه وكنت بتكلم معاها عن هدا الموضوع اختي ممرضه ماشاءالله
قالت ليا انو عندها دكتوره ساعده صديقتها بوصفه تساعدتها انو تجيب ولد طبعا هدا كلو بامر الله سبحانه وتعالى
قالت انو الدكتوره سوتها و الحمدلله جابت ولد فالبدايه و دحينا ماشاءالله صديقت اختي اللي قلتلك عليها
ان شاءالله اليوم بقولها تطلب هدي الوصفه من الدكتوره وعطيك هيه ان شاءالله تجيب معك نتيجه حلوه
سوري طولت عليك .
الله يهدي زوجك ويعطيك ساعه طيبه وتولدي وتقومي بسلامه

ربي يسعد كل مٍٍْْْْ ٍْْنٍْْ ردت علي
مواساتكم تفرحني وتبعد عني ضيقتي ربي يفرج همكم

ياحبيبتي الله يرزقك بولد
والله البنت و الولد نعمه من الله بس بعض الرجال تفكيرهم غريب الله يهدي زوجك
ويرزقنا جميعا بالذرية الصالحه يارب