جرح في قلبي ادخلي أرجوكي

السلام عليكم أخواتي أنا حاسة بجرح كبير جدا من زوجي لأنه قال لي كلام جارح جدا وماخلا سب أهلي وقبيلتي ومتهمني إني وسخة ومو نظيفة وإن النظافة هو يعلمني عليها وإني مثل كيس الفول وغير اللعن وإن كل قبيلتي مايسوا طرف ظفره وتفل في وجهي أنا طبعا من قهري رديت عليه قال لي يلعن ابوكي قلت له يلعنك إنت قال علي وسخة والنظافة هو علمني عليها قلت له إنه مايعرف للنظافة باب لما قال لي إنه أهلي كلهم تحت رجله قلت له أطلع بره من الغرفة قال أنا حر قلت له أطلع بره ولا اناديلك الشرطة تشيلك لأنه بيتي فتفل في وجهي وصار يهدر بالكلام فأخذت بنتي عمرها سنة ونصف ورحت نمت في غرفة الجلوس الكلام صار أمس في الليل وقبلها صارت مشكلة يوم الخميس في الظهر صحيت من النوم مبسوطة قلت له إيش رأيك أعزمك في الودعة قال طيب قلت له أبغا آخد أمي في مانع قال لأ دخل الحمام أكرمكم الله أنا كنت بأعبي ملابسه عدد الثياب إلي عندي له أربعة كانت كلها مكوية وسخهم في يوم واحد آخر ثوب وسخه الساعة ثلاثة في الليل بعدها نمت طبعا مافي ثوب نظيف بس باقي له ثوب خيطه قريب ومغلف بنايلون شلت النايلون إلي عليه وعبيت ملابسه الداخليه لما خرج قال ليش شلتي النايلون قلت عشان أعبيلك هو صار يكرر عليه نفس السؤال وأنا ارد عليه بنفس الإجابة صار يزعق عليه وما خلالي إنتي بهيمة ماتفهمي أنا قد إيش أصبر أنا متزوج بقرة ولبس بنطلون وعليه قميص قبلها كمان اخذت فلوس من ماما عشان أشتري لبنتي مرجيحة وتجي معاها زحليقة وكورة سلة لما جبناها البيت ركبت بنتي عليها وصارت توقف على المقعدة فقال ماتنفع نرجعها أحسن لما جا يحطها في الكرتون مصار يقفل زي أول حاول كم مرة وأتنرفز فقلت له أحاول أنا رتبتها وصار يدخل إلين ماقفل الكرتون وجبت شطرطون عشان ماينفتح صار يفلي حطي يدك هنا ويزعق من خوفي ما صرت افهم عليه صار يقلي إنتي بهيمة الله يلعنك أنا متزوج بقرة وكن هدا الكلام نفسيتي تعبانه جدا مع العلم هو أكثر جلسته كانت عند أهله يجلس عندهم بعد مايجي من عمله في المغربأو العشاء ويجبرني أروح عند أهلي ماياخدني غلا الساعة إثنين أو ثلاثة طبعا أجي انام واليت يجلس مو مترتب ويبهدلني على إهمالي أقنعته إن جلوسي عند أهلي بيضيع من وقتي المفروض إني أرتب فيه البيت صرت أجلس في البيت وأرتبه في قصة صارت فيل اسبوعين وهي إن المكيفات بطلع مويه فكلم الشركة جاء العمل طبعا وسخ كل البيت حتى الحمامات أكرمكم الله لانه طلعت كل المكيفات خربانة والعامل ياخد القطع ويغسلها في الحام حتى المطبخ أتوسخ بعد ماخرج العمل خرج زوجي معاه وقال لي نظفي البيت قمت نظفت البي والأرضيات وكنست السجلايل ومسحت السراميك بالديتول والحمامات بقي المطبخ قلت أرتاح وبعدين انظفه جا زوجي قال ليه ما أتنظف المطبخ قلت له ماشغت البيت نظيف ماشفت إلا المطبخ حتى إني الشراشف مايعدي عليها اسبوع إلا أغيرها وأحيانا أقل ورغم كده يقول مو كفاية الواحد نايم على وساخة هو الآن زعلان من أهله ماصار يرحلهم لكن اغراضه لسه عندهم ارجوكم قولولي إيش أسوي إيش غلطي بأحاول أسوي فوق طاقتي لكن مافي فايدة دلوني أرجوكم لأني مجروحة مع أنه في جرح قديم كنت أتناساه وهو مرة ضربني بالشبشب اكرمكم الله على وجهي في السيارة وأتصل على أمي وقال لها أنا ضربتها بالشبشب أنا طلبت الطلاق لكن هو يقول لي ما جا وقتك واحيانا يقول لي إنه بعمل كدة عشان مصلحتي لأنه يحب يشوفني أحسن وحدة أرجوكم كل وحدة تدخل تعلق على كلامي وإيش تسوي لو كانت محلي