جروح الأماني

.
.
مدخل ..
خذتني الساعات عنك ورديت
وجيتك بعذري وحبي وشوقي ....
.
.
..)()()(( جروح الأماني ))()()(..
إستريح شويّ .. واسمعني ثواني
بعدها مسموح .. قول اللي تقوله ..
جيت لك والقلب ماهو بالمحاني !
شف قبل لوصلك سابقني وصوله !!
ووالله ان لو لا الغلا ما جاك عاني
يا بعد منهم بكوله و ضحكوله ..
عاشقك سوّاح !! وعيونك مواني :
اخذني ّ .. من الحزينه .. للخجوله !!
أبتسم خلني افضفض لك عشاني
الحكي غصن ٍ عجز صوتي يطوله ..
تعقد احجاجك وتعقد لي لساني !!
المطر يا غيم ضميّان لهطوله !!
خاطري مكسور من قسوة زماني
وانت ( كنْك إياه ) وفعولك فعوله !!
تعتبرني .. شخص مغرور وأناني
واعتبرك .. الكون في عرضه وطوله ..
آآه لوّ تحسّ بجروح الأماني
كان ما تزعل علي ّ بهالسهوله !!
حط ( عمرك ) يابعد ( عمري ) مكاني
وان لقيت قصور ؟؟ قول اللي تقوله ..
.
.
.. مخرج }
تعبت ب غيابه وأنا حيل مغليه
ولا قل قدره لو يطول ب صده
نذر (ن) علي ل أمشي ل حروت أراضيه
وأعلمه كيف الغلا و الموده
وأعاتبه وأنسى ليالي تجافيه
وأخبره ب الشوق و أبوس خده
وإن ما تعذر أخلق أعذار و أعطيه
و أسامحه قبل العذر لا يعده .
.