جل رهيب لتنحيف و شد البشرة

السلام عليكم أخباركم صبايا اليوم جالسه أتصفح آحدى المنتدياات ولقيت هاي الوصفه الخطيره
وبسرعه جابته لكم <<لعلى وعسى تستفيد منها>>
بسم لله
جل رهيب لتنحيف و شد البشرة
المفعول :1-يحسن مظهر (قشر البرتقال) بشكل واضح جدا جدا جدا
طبعا المقصود بقشر البرتقال البشرة اللي مو مستوية اللي فيها سهول و هضاب و هالسوالف من السيليولايت اللي يكون على الفخوذ و المؤخرة بشكل خاص و مرات الترهلات اللي بالايدين
2-و له مفعول قوي في تنعيم و شد البشرة
بالنسبة للنتيجة:
بعد 8 أيام: 41% تماسك أكثر
89% بشرة نشيطة أكثر ( يعني تخيلوا الفرق )
بعد أربعة اسابيع : تخفيف مظهر قشر البرتقال بشكل واضح بنسبة 85 %
( يعني تصيرين نعومة و مشدودة بنسبة 85 % )
تخيلي ؟؟؟؟؟؟؟!
طريقة استخدامي::
صراحة انا كسولة جدا و ما أدري شلون تابعت عليه شهر كامل ؟؟
انقلب جلد جسمي فوق حدر صار ناعم و مشدود
المهم
انا كنت استخدمه مرة و حدة باليوم و لو مرتين كان أحسن و احسن بس قتلكم كسلانة حيل
و ادهنه على بطني و فخوذي و ... فهمتو و ايديني بعد
صراحة رهيب
و اللي حلو حيل انه ما في داعي تكملين أكثر من شهر لأنه النتيجة انشالله تبان من الشهر الأول
بس تقدرين تردين تستخدمينه مرة ثانية بعد كم شهر ! لما تحسين انك تين تشدين الجسم
بالمناسبة ترا الجل خفيف حيل و ماله ريحة خايسة ابدا
و مرسوم على علبته طريقة التدليك من تحت لفوق و هالسوالف
و تقدرين عقب ما تخلصين دهنه تلبسين ملابسك فورا
ليه ينحف ؟؟
و يشد لأنه غني بمادتي جينكو و كافيين اللذان يساعدان على التخلص من الدهون المتراكمة في انسجة البشرة
, ليه ينعم ويشد؟؟
لأنه غني بعنصر بارايلاسليل الفعال في شد البشر
يعني يتكون من ثلاث مواد فقط !! و كل وحدة احسن من الثانية
جينا للاهم .
شنو اسم الجيل ؟
هو
جل بيرفكت سليم من لوريال
L'OREAL
PERFECT SLIM
Countouring + firiming body Gel
بالنسبة لبنات الكويت موجود بمركز سلطان و معظم الصيدليات
سعره ما اذكر بالظبط ؟ بس يمكن 4 دنانير كويتي بالسعودي اظنه 40 ريال و الله ما أدري ؟
المهم اقل من خمس دنانير
جربوه و انشالله راح تستفيدون و راح يصير جسمكم على كيف كيفكم و الحلو فيه انه شهر و بس و النتيجة سريعة و حلوة
منقول
أتمنى منكم الدعاء لي ويحقق الي فبالي !!
آمين يارب
بنتظار ردودكم الحلوه
أختكم ؛؛؛؛مرجوجه