جيوب كيوت لأغراضك الشخصية

بسم الله الرحمن الرحيم
ربوعكم وناسة ..
هذا ثاني موضوع لي بالقسم ، << تلميح طاير يقول زوروا الأول
بصراحة كان نفسي أشارك بهالموضوع في المسابقة اللي صارت قبل كم يوم ، بس قدر الله و ما شاء فعل انتهت مدة تقديم المواضيع و أنا مدري ، حصل خير ..
عالعموم أنتم ارفعوا معنوياتي و قولوا " وآآآو لو شاركتي كان صوتنا لك " حتى لو خرط عادي
،،،،
عملي عبارة عن جيوب لتجميع الأغراض الشخصية ، تتعلق في أي مكان في الغرفة ، عن نفسي حطيته على دولاب الملابس من برا لأنها المكان الوحيد اللي ما علقت عليه شي
الأدوات المستخدمة :
قماش ملون { جوخ } ، مررة حلو و سهل التعامل معاه .. موجود عند أغلب المكتبات ممكن يجي على شكل قطع و ممكن بالمتر ، أنا عن نفسي شريت بالمتر من الألوان اللي تشوفونها قدامكم .
خيط صوف أسود " أو ممكن خيط تطريز " ، و إبرة فتحتها واسعة
طبعاً بالإضافة لقلم الرصاص و المقص و المسطرة و الصمغ ..
الخطوات :
أول شي جبت القماش الرمادي ، رسمت عليه بالطباشير ( لأن الرصاص ما يبين ) شكل مستطيل طويل ، عرضه أقل من عرض باب الدولاب بشوي و طوله حسب رغبتك .
بالمقص قصيت القطعة ..
بعدها رسمت أشكال الجيوب { مستطيلة أو مربعة } على ألوان الأقمشة الثانية ، قصيتها و ثبتها بالدبابيس بشكل مبدئي على خلفية الجيوب ( الرمادية ) عشان تزبط أماكنها .
خيطت الجيوب بالخيط الأسود بسراجة واسعة ، و على فكرة ترا القطعة الزرقاء اللي فوق حطيتها عشان الأقلام
ثبتّ الأشكال على الجيوب بصمغ مسدس
جبت شريطة رفيعة و ثبتّها فوق الجيوب مع الطرفين
..
النتيجة : ترآآآ
أنتظركم =)