حالة ماتوقعتها

بسم اللة واستغفر اللة من كل ذنب عظيم0000قصتي بقولها وابغى اسمع اراء 0000 تخرجت وكنت استنى وظيفة ومرة في العصر جاني اتصال تعالي مقابلة فرحت وياريت مارحت استغفر اللة00دخلت ع المدير وطبعا محجبة ومافي مكياج وسالني اسئلة شغل وبعدين قلي عاجبتي ابغى اخطبك الرجل مرة عاجبني من كثر الاعجاب ماابغى اقولة اني مملكة ومااطيق زوجي00المهم قلت لاخواتي قالوا خذية بدل الي معاك مو معبرك وسنتين مملكة ماجاني غير مرة000بس قلت للمدير لا رافضةبسبب انو هو متزوج وانا مو ناقصني حاجه جامعيه وجميله والحمدلله 00وانا في الشغل يااللة اعجبت بشخصيتة يجنن وطبعا هو باقي يحاول معاي وكمان البنات الي في الشغل يمدوحة في اخلاقة وكرمة واحترامة ومايدروا الي صار000بعد محاولتة وانا شاريني وافقت بعد شهر يحاول وافتكيت من خطيبي00واهلة ماكانوا راضين عني لانة متزوج ويحبون زوجته مره لدرجة لما جات الام خطبتني اخواتي شافوا الام من الشباك تدخل بيتنا وتخرج وتركب السياره وهو يدخلها البيت غصب لدرجه انو مسك كتفها ودخلها واخواتي يضحكون من المنظر جات وهي ارتاحت لما جات بيتنا وشافت امي وسألته ليش هي امك كذا قالت هي ماتبغى تقول اولادك يقولون ليش خطبت لأمنا المهم بعدها اهلي رفضوا بسبب ماعنده جنسيه وبالرغم والله انو رجال بالدرجه ماتتخيلونها وعايش طوول عمره بالسعوديه ومو عشان انا معجب فيه اقول كذا بس من جد رجال بمعنى الكلمه من دون مااشرح ابوي رفض وكلم الرجال وقالوا لا وبعد ماتخاصم هو مع زوجته وخرب بيته بسبب انه جاء خطبني في النهايه ابويه قاله لا وهو مسكين تخاصم مع اهله وزوجته بعدها خلاص ماصار يدق عليا ولا شي بعد ثلاث شهور بالضبط شفت رقمه دق عليا رديت من الفضول قالي انا قطعت اوراقك ومسحت رقمك بس طلعت الفاتورة بس عشان اكلمك في مية مليون بنت غيرك واحسن منك بس انتي اكثر واحده مناسبتني وانا رجال ذكي مااضيع فرصه زي كذا ومااتخيل انك تكوني لغيري في الاخير قالي حتى لو تزوجتي وماصار نصيب ترا انا باقي موجود شوفوا كيف لدرجة باقي يبغاني حتى لو كنت مطلقة المهم رجع اتصالات زي اول ومحاولات ويترجى وكلمت اهلي مره ثانيه مافي فايده وعلى فكره ابويه انسان مره طيب ومتحضر بس برضوا يهمه الناس ايش يقولوا عليه حاولت يمكن ثلاث مرات كلمت اهلي ماحاولت اكثر من كذا بصراحه اهلي يحرجوني طيبتهم ويحنون عليا فأستحي اطفشهم بموضوع زي كذا ترى السالفه لها الان 9 شهور واحنا في هذا الموال طبعا بس اقولكم هو يدق عليا احيانا ارد ولما ارد مكالماتنا مافيها لاحب ولا عشق ولاغرام هو انسان كبير وانا عاقله بس نفكر ايش نسوي عشان اهلي صح انو غلط انو ارد عليه بس بصراحه حاسه انو الي اعمله شي عمل حرام لانو من جد لما اكلمه احس هو خطيبي من جد ايش اسوي ؟؟؟؟؟؟؟؟؟ اسكت احاول مع اهلي مره ثانيه ولا نفسي يسويلي حاجه تكرهني فيه بس بالعكس كل ماله يشتريني زياده وحطوا ببالكم انا انسانه ماكنت اؤمن بالحب ومره انسانه عاقله ومو ضعيفه بس مااتخيل اتزوج غير هذا لاني كرهت الرجال بعد الي طلقني خطيبي واكره شباب هالايام الله يخليكم ابغى اسمع ارئكم بعد القصه الاليمه ماراح انساكم من دعواتي