حبيبي غير حياتي روايه رومنسيه لاتفوتكم

البارت الاول
أعرفكم على الشخصيات بالروايه...
عائلة بوتركي...
طبعاُ بو تركي عايش مع عايلته بكندا وصار لهم 6 سنوات
عشان يدرس عياله ويمسك شركتهم فتره معينه لان بو تركي دارس بأمريكا
وعنده شركة خاصه فيه هناك
بو تركي (عبد العزيز)
ام تركي(فاطمه)
تركي *24* سنه
أحمد*22*سنه
رنا + ريناد (توأم) *20* سنه
.........................................
عائلة بو طلال &اخ بو تركي&
بو طلال عايش مع عائلته ومقرهم الاساسي بالمملكه العربيه السعوديه
وبالتحديد .... الرياض....
بو طلال متزوج بنت عمه ام طلال
بو طلال (عبد الله)
ام طلال (علياء)
طلال *23* سنه
محمد +فيصل (توأم) *22*سنه
هنادي *21* سنه
قمر*20* سنه
.................................................. .....
عائلة بو حمد &ا خ بوتركي وبو طلال&
بو حمد ساكن مع عائلته بالرياض
بوحمد(عبد الكريم)
ام حمد(نوريه)
حمد*24* سنه
الجوري*20*سنه
حنان *19* سنه
نوره *22* سنه
.................................................. ........
ماراح اذكر لكم شخصياتهم
كل واحد شخصيته راح تطلع بتكمله الروايه
ومن تسلسل الاحداث
وانشالله انكم تحفظون الاسماء عدل
وتميزون لان يمكن عايلتهم كثيره
إذا مالكم خلق تحفظونهم كتبوهم >>>>>>>>خ
يلا أخليكم مع البارت الاول
.................................................. ...
>>>>>>>>>>> كندا>>>>>>>>>>>>
7:00 صباحاُ
ام تركي تشرف على الفطور بالمطبخ.
دخل تركي المطبخ: هلا وغلا بالغاليه – صباح الخير
ام تركي: صباح النور
تركي: ها يما الفطور جاهز
ام تركي: أي ياوليدي جاهز بس الله يعافيك جلس خواتك من النوم
شكلهم رجعوا ناموا
تركي : تأمرين امر يالغاليه
وطلع تركي يركض على الدرج شاف بوجهه ابوه
بو تركي : شفيك تركض شوي شوي لاتستعجل
تركي: ههه هلا يبا (وباس راس ابوه) صباح الخير يا أحلى ابو بهالدنيا
بوتركي: ههه صباح النور شكلك جالس من الفجر على هالتروق
تركي:أي والله جالس من الفجر مو مثل بناتك بس نوم بنوم
بوتركي:ههه خلهم على راحتهم واذا بتجلسهم جلسهم بهدوء لاتزعجهم
تركي واهو يكمل لفوق : (((ياعيني على الحنان)))
صعد تركي لفوق وفتح غرفه البنات بهدوء
وفتح البلكونه وشغل الانوار كلها وصار ينادي بأعلى صوته
**يا الل ه قوموا**
رنا+ريناد جلسوا مرتاعين من الازعاج طبعاُ متعودين يا امهم او ابوهم يجلسونهم وبهدوء : شصاير
تركي ميت من الضحك على اشكال خواته وعلى كشتهم وشكلهم خايفين
تركي:ههه
رنا وريناد (يناظرون ببعض ونفس الافكار مستغربين منه يضحك بهستيريا)
تركي يصطنع الجد: يلا قوموا الفطور جاهز وقبل لاتنزلون طالعوا أشكالكم بالمرايا
وظل يضحك:ههه
رنا وريناد انقهروا منه لانه طلع يضحك على شكلهم وهم خايفين ولوحوا عليه المخدات من القهر
تركي طلع من غرفتهم ونزل تحت وهو يضحك (لانهم صدقوه)
طبعا رنا وريناد دخلو الحمام ....>>>>> وانتو بكرامه
خذوا لهم شاور وطلعو ولبسو بيجامات للبيت ناعمه (رنا وريناد دائما نفس اللبس)
ونزلوا لتحت يفطرون
>>>>>>>>>…….بالسعوديه ^الرياض ^>>>>>>>>>>>……..
1:30 مساءً
في بيت بو طلال ...
هنادي جالسه تناظر التلفزيون
دخل طلال البيت
طلال: هلا هنادي شخبارك
هنادي: هلا بيك زود الحمدلله بخير وأنت شخبارك
طلال:والله راسي حده يعورني ممكن تسوين لي شاي
هنادي: حاظر من عيوني
طلال: تسلم عيونك
هنادي راحت للخدامه تقول لها تسوي لطلال شاي
طلعت هنادي من المطبخ وراحت تجلس يم طلال
قمر قعدت من النوم وتروشت ولبست(برموده بني وبلوزه بيجيه ومنزله شعرها بشكل مبعثر وحاطه لها لمسات من المكياج الناعم ونزلت لتحت وهي تنادي على الخدامه *كرستينا*
كرستينا:نعم مدام
قمر:سوي لي قهوه ساده
كرستينا: هازر مدام (حاظر ماما)
قمر راحت للصاله وجلست: هاي...
هنادي وطلال: هايات
رن جهاز قمر ((بالاغنيه الانجليزيه))
قمر: هلا وغلا بهالصوت هلا
فيصل: ههه ياعيني على المروقين
قمر: خير وش تبقي
فيصل: بسم الله توني اقول مروقين
قمر: انزين أمر
فيصل: مايأمر عليك عدو بس قولي لكرستينا تجهز لنا شيء ناكله
لان انا ومحمد ميتين من الجوع وخل تجهز المسبح الي ورى بالحديقه فهمتي
قمر: أي فهمت شايفني بقره
فيصل لامكرمه يالغلا
قمر:أي مو لله علشان انفذ طلبك
فيصل: ههه طول عمرك ذكيه وتفهميني طيب يلا باي
قمر: باي
طلال وهو يحط كا الشاي على الطاوله
طلال: منو تكلمين فيصل ولا محمد
قمر: فصول العله منو غيره
راحت قمر تقول للخدامه الي وصاها عليه اخوها
وخذت كوبها القهوه وهي تمشي رن الجرس استغربت منو الي راح يجي هالوقت بس اكيد فيصل ومحمد شكلهم نسوا المفتاح
راحت فتحت الباب واهي تشرب القهوه
قمر بدون ماتناظر منو بالباب وتتكلم بصراخ: هاذي أخر مره اتنزل وافتح الباب علشان مره ثانيه خلوا عندكم بالسياره مفتاح للاحتياط
توها بتلتفت ... استغربت ماحد يرد عليها وكأن تسمع صوت هادئ مره وغريبه لو محمد او فيصل راح يصرخ عليها
قمر:رفعت نظارتها الشمسيه من على عيونها
شافت واحد وسيم مره وطويل وصوته جنان
فتحت عيونها للاخر وبسرعه حست بالاحراج ونزلت راسها
خالد حس بإحراجها:لو سمحتي أختي موجود طلال
قمر:تفضل المجلس وراحت تركض لداخل
قمر:طلال ووجع يالنذل
طلال مستغرب وجهها احمر حيل وشكلها منحرجه ومرتبكه وخايفه
طلال تكلم وماله خلق مقالب قمر: شفيك
قمر بعصبيه: وليه ماقلت إن صديقك راح يجي
طلال: منو الي قال
قمر:طلال مو وقتك الحين صديقك بالمجلس
طلال يضرب على راسه:يؤ صحيح خالد قال راح يجيني نسيته وراح للمجلس يسرع
هنادي:طيب وش فيك مخترعه كأن الرجال بياكلك
قمرقالت لهنادي كل السالفه
وهنادي بتموت من الضحك:ههه ك
قمر انقهرت وتوها بتتكلم إلى ورن جوالها ناظرت الشاشه بسرعه
(حبي رنو)
قمر راحت تركض للحديقه
وهنادي جلست تكمل برنامجها
قمر ردت بسرعه:هلا وغلا ومرحبا ومسهلا
رنا كانت حاطته مكرفون علشان احمد يمها
رنا:ههه هلا فيك
قمر:حي الله هالصوت
رنا:الله يحيك
قمر:هلا بأهل كندا هلا فيهم هلا
رنا:ههه لهدرجه مشتاقه لي
قمر:واكثر بواجد
رنا: احم احم يابختي من قدي
قمر:لو إنك يمي عضيتك
رنا:الحمدلله لاني مو يمك ولا كان رحت فيها
قمر:ههه اامزح
رنا:شخبار أهل الرياض
قمر:يسلمون عليك وشخبار اهل كندا فديتهم
رنا:الحمدلله حنا تمام
قمر:ادري انك تمام اقصد حمودي حبيبي شخباره
رنا:ههه مو قادره تكمل من الضحك شافت احمد اخوها يرقص من الفرح
رنا تتكلم كلمات متقاطعه من الضحك:بخير ....يمي... تبقين تكلمينه
قمر:ياليت (ودي بس تعرفيني لو يقول السلام أخق مكاني)
احمد اخذ الجوال من يد اخته وطلع للحديقه يركض علشان ياخذ راحته بالكلام
أحمد:هلا
قمر سكتت وبعد فتره قالت بصوت مرتجف:الو....
أحمد:هلا والله ومرحبا بهالصوت هلا بالي اشتقت لهم موت
قمر انحرجت موت وبالموت صوتها ينسمع:هلا
احمد : شخبارك ياقلب احمد
قمر: بخير وانت
احمد يستهبل عليها:وشفيني انا
قمر في خاطرها ^^ياربي بيموتني ^^:أنت شخبارك
احمد:آآآآآآه تقول لي شخبارك بموت بموت
قمر قعدت تضحك من هبال ولد عمها
أحمد:فديت هالضحكه عساها دوم
قمر:.................
أحمد:الو((قمر))وينك
قمر:معاك
احمد:وينك ما اشوفك
قمربتموت من الضحك((ياربي أحبه)):أقصد اسمعك
أحمد:قمر
قمر: نعم
احمد:..............
قمر:الو احمد
أحمد:....................
قمرخافت أكثر: الو احمد وينك الو
أحمد:.......................
قمر : احمد وينك الو
أحمد::...................
قمر :خافت وبدت تطيح دموعها ورى بعض:احمد عمري بليز رد علي ........طلبتك
..........>>>>>>>>>>>>>>>يكمل بالبارت الثاني
اتمنى تفاعلكم وردودكم لاتبخلو علي فيها
انتظر رايكم
اختكم/
**هيبه ملاك**

روعه حبيبتي كمليها بليز

حلم على ارض الواقع*
تسملين قلبي
مو اروع منك يالغلا
من عيوني راح اكملها
مشكوره حبيبتي على المرور

كمليها

* بنت سعوديه *
مشكوره خيتو على مرورك
الي عطر صفحتي بوجودك
انشالله ماراح اطول عليكم فيها
تحياتي::
هي به ملاك

البارت الثاني
قمر خافت وبدت تطيح دموعها: احمد عمري بليز رد علي ...طلبتك
أحمد:ههه حلفي اني عمرك
قمر سكتت لان حركته قهرتها
أحمد:لاعاد قمر تكفين ردي علي والله امزح بس ابقي احس لان اسمي حلو بصوتك
قمر:.....................
احمد:قمر اذا تحبيني ردي علي لاتحسسيني بالذنب خلاص ما أعيدها خلاص
قمر:وربي خوفتني عليك
احمد وحب يحرجها:يعني تخافين علي.
قمرانحرجت:اوكي احمد انا اخليك الحين بروح لهنادي تناديني
احمد:اوكي عمري بس انتبهي على نفسك واكلي عدل وشربي زين ونامي كويس ولاتحرميني من هالصوت
قمر**بتطير من الفرحه**:اوكي وانت انتبه على نفسك وسلم لي على عمي والكل يلا باي
احمد:باي
...........
طلعت قمر من البيت وراحت لبيت عمها بوحمد...
وفيصل ومحمد يتمشون بالحديقه...
وطلال طالع مع صديقه...
وهنادي جالسه على النت...
>>>>>>>>>>>>.>…….في بيت بوحمد الساعه 8:15 مساءً>>>>>….
حمد طالع مع ربعه كالعاده.
الجوري ونوره وحنان مع قمر على التلفزيون...ضحك وهبال...
ام فيصل وام حمد معزومين عند صديقتهم...
وبوفيصل وبوحمد بمجلس الرجال الكبير...
>>>>>>>>>>…….>><<<كندا>>>>>>>…….<<< <<
الساعه 1:15 مساءً..
تركي جالس مع امه وابوه بالصاله التحتيه..
وأحمد مستانس وصاير مهبول وشكله رايح فيها من الحب
ومشغل اغنيه سلمان حميد...
وحاط السماعات بأذانه....
....................
رنا ورينا/ جالسين يلعبون >> كيرم<<ويصارخون
رنا:ريناد يالنذله لاتغشين يالغشاشه
ريناد: آآآآآآه انا غشيت يالكذابه.
رنا:أي غشيتي أجل ابوي الي غش..
ريناد:لاتغيرين الموضوع كملي لعب مابقى شيء وافوز
بعد فتره نزلوا البنات يركضون
ونزلو لتحت يركضون وطلعوا بالحديقه يكملون...
بوتركي وام تركي يضحكون على هبال بناتهم...
>>>>>>>….. السعوديه الرياض <<<<<<<<<<……..
والبنات جالسين يسولفون وجات معهم هنادي
رن جوال الجوري....
خذت الجوري الجوال من الطاوله شافت الاسم **توأمي رنو**
الجوري حطت الجوال مكرفون...
الجوري:اشتقت لك حيل...
البنات سكتوا من إزعاج الجوري ولفو عليها وشافوا دموعها تنزل
رنا:ههه ياقلبي انتي والله انا اكثر بواجد.
البنات كلهم:هلا رنا وريناد
رنا: ياقلبي عليكم فديتكم يالدبب. على فكره انا رنا
البنات:ههه
الجوري وهي تبكي مشتاقه لقلبها رنا:ونا شخبارك وشخبار ريناد
رنا دمعت عيونها مشتاقه لبنات عمها:انا بخير وريناد بخير وانتي شخبارك
الجوري :دامكم بخير انا بعد بخير...رنا
رنا: عيونها..
الجوري ابتسمت على حركات بنت عمها:متى راح تجون خلاص وربي طولتوها..
رنا:يقول بابا كلها انشالله اسبوع ونص او اسبوعين واحنا عندكم ...
الجوري :اها رنو عطيني اكلم ريناد
ريناد: هلا وغلا بعزوتي وهلي وكل ناسي هلا ببنت عمي هلا
الجوري : اهلين ومرحبتين وبوستين على الخدين
ريناد:ههه يابختي يعطوني بوسات احم احم
وصاروا البنات يسولفون بالجوال كل وحده تكلم الثانيه وضحك وسوالف ساعتين...
>……………………بالسعوديه ,,,الرياض...………<<<<<
الساعه 1:00 ص
يعني وحده بالليل...
ام طلال:يلا يابنات قوموا الوقت متأخر
هنادي و قمر:حاظر يما ونزلوا لتحت سلموا على عمهم وزوجه عمهم وراحوا لبيتهم
فيصل ومحمد كانوا بالصاله مطفيين الانوار وجالسيين على فلم أكشن
والشبسات والبيابسي بأشكالها وانواعها والخرابيط ومابقى أكل إلى وحطوه قدامهم للتسليه
ام طلال صعدت لفوق مع ابو طلال ينامون
وهنادي وقمر ومحمد وفيصل يشوفون الفلم...
وطلال بغرفته على النت والاوراق الي تخص شركتهم
>>>>>>>>>>>>>>>…………..بكندا>>>>>>> >> >…..
رنا: بابا
بوتركي: عيون ابوك انتي .
رنا:ممكن اطلب منك طلب
رنا تتدلع على ابوها:ممكن نطلع أنا مع ريناد وبنات بو مشعل نتمشى
((بومشعل صديق بوتركي وعنده 3 بنات وولد واحد كبر حمد))
بو تركي:أي عادي مافي مشكله بس لاتتاخرون.
رنا مو مصدقه ان ابوها رضى لها
راحت تركض حظنت ابوهاوباسته على راسه:
مشكور يا اغلى واحلى واجمل بابا بهالكون...
تركي:ههه هالاخت مصلحه...
رنا ماعطته وجهه وطلعت من الصاله للحديقه وتصارخ.
رنا: ريناد ريناد وينك
وجات لها ريناد من وراها وحطت الثلج على ظهر رنا.
رنا:اي ماما وصارت تصارخ رنا بالقوه...
ريناد:ههه
رنا ومنقهره حيل من ريناد:نذله وربي نذله...
وراحت رنا تركض ورى ريناد...
رنا دخلت المطبخ الخلفي وصبت لها كاس ماي بارد.
وراحت تدور على ريناد بالحديقه...
وكان مشعل جالس على الكراسي ينتظر أحمد...
ورنا كانت تسرع ومو منتبهه للي قدامه كانت تسرع
وما انتبهت لان مشعل لابس بلوزه وبنطلون بنفس اللون الي على ريناد
وكانت تسرع وما انتبهت
وجات من وراه وريناد طلعت وشافت اختها تمشي مسرعه
تبقي تصب الكاس الماي على مشعل
ورنا ما انتبهت فيه انه مشعل لانها بتفكيرها منو غير ريناد بالحديقه ويجلس لوحده
اكيد ريناد تعبت وجلست وما انتبهت
ريناد تصرخ:رنا لالالالالالالالالالالالالالالالالالا انا هنا هذا مشعل
رنا انتبهت لصوت ريناد بعد ماكبت(صبت_سكبت)الكاس الماي وفتحت عينها للاخر وشافت مشعل صديق احمد اخوها..
مشعل ارتاع ووقف وفهى(يعني فتح فمه)حبيبه قلبه واقفه قدامه مومصدق..وماهمه الماي الي انكب عليه...
رنا انحرجت وصارت تبكي ومو عارفه تتكلم
وحدها قالت:ا س...ف....ه حسب..تك رين.....اد
وراحت تركض لفوق
واهي تصعد كان احمد نازل من الدرج
استغرب شفيها رنا.......
وهو حنون مايحب يشوف رنا او ريناد يبكون
(طبعا احمد علاقته مع رنا قويه حيل)
على طول دق على جوال مشعل وهو معصب حده
احمد بصراخ:الو
مشعل:............>>>>>>>>>>>>>> في تكلمه بس تتوقعون
وش راح يصير المحادثه بين احمد ومشعل
ووش راح يسوي مشعل راح يرد على احمد ولا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
التكلمه بالبارت الثالث
اتمنى البارت يعجبكم ...
ولاتحرموني من ردودكم الحلوه
هيبة ملاك

كمليها بليز
تجن
تح
يا
تي
ميوزك

واو
روعه
كمليها

Music Is My Life
مشكوره على المرور وعلى الرد
حياتي اتمنى اشوف ردك بالبارت الجاي
تحياتي هيبة ملاك