حبيته وجافاني وخنته وابي اتوب واتطلق منه ارجوكم مالحل

1. فرد: اخوها


2. راح اعطيكم نبذه عن حياتي


3. هذا غير الكذب اللي عنده دايم يكذب ويقولي لاتصدقين كلامي


4. وارجع اتصل ع زوجي ويحقرني مايرد علي


5. لين قررت اني اطلب الطلاق بس خايفه ع مصير بنتي

سأبتدأ من النهايه ...يدخل "هذا الكائن" استقبله بابتسامه بأستغراب فهو لاول مره يأتي للمنزل مبكرا الساعه 10 ونص
واهلين وسهلين تو مانور البيت ...رد علي غريبه اليوم زعلانه والحين رضيتي ترضين وتزعلين بكيفك
رديت عليه بابتسامه وبداخلي هذا وانا بفتح صفحه جديده
يدخل غرفة النوم ويستلقي ع السرير يداعب بنتنا الوحيده ويبوسها ثم ذهبت لأحظر له كوب من الماء وقلت تفضل ي"اسم الدلع
استلقيت انا ع السرير وفتحت اللابتوب وبدأت بالحديث عندك دوام بكرا؟ فلم يجب"استفزني عدم رده ع سؤالي"
استلقيت ع بطني ورأسي بجانب اقدامه وبدأت العب بشعري والغرفه هادئه جدا ثم مد لي رجله وشممتها فقلت وين كنت ماشي ريحة رجلك موحلوه بتقولون جرحتيه بقولكم قهرني رحت قمت جبت مويه فيها صابون وفكس ومويه دافيه ورن تلفوني
انه اخي الاوسط طبعا زوجي دايم يحط عليه ملاحظات مع العلم اخي متفوق وطيب ورضي والدين ولسه بالثانوي
قال وين اختي يقصد انا قال زوجي مين انت ؟

فرد: اخوها

قال اخوها ماله اسم وانا منصدمه من اسلوب زوجي ثم اعطاني الهاتف بدون مايسئل اخوي كيف حالك؟ للعلم انا وزوجي اقارب
وبعد مكالمتي لاخي سكتت قليلا وقلبي يشتعل نارا ثم وضعت قدميه بالماء وبدأت اغسلها وانا صامته فبدأ يسئلني ماذا يريد اخي... فأجبته ليش تكلمه بهالطريقه ايش بينكم قال مايبي يقول اسمه؟؟!!! تعجبت من رد زوجي حسبي الله ونعم الوكيل فقلت ماينلام الاسبوع الماضي طالعين جمعه شبابيه اولاد العمومه ولاعزمتوا اخواني مع انهم اولاد عمكم فرد اصلا مابيجون ثم قلت ياكثر سياراتكم فرد اصلا بعيد عليهم!!!! شفتوا اجابات زوجي لامقنعه ونفس الوقت جافه فقلت
لي انت جاف معي وانا استقبلتك احلا استقبال وسويتلك مساج؟ قال محد طلب منك؟ قلت انا سويت هالشي برضاي اقل شي كلمني باحترام
قال طفي النور بنام؟ قلت لازم نتناقش ونحل مشاكلنا مو نأجل الحديث وتغلط انت وتغلقها؟ فسكت وقال انا وش سويت قلت ليش ماتحترم اخوي قال وانا وش دريني انه اخوك؟؟؟ هنا انا انصدمت واحس اني بنفجر قلت اجل اذا مو اخوي منو بيكون كلمتك لها الف معنى ومعنى قال فسري زي ماتحبي قمت طلعت من الغرفه وقالي طفي النور طفيته واخذت بنتي وطلعت ورحت ابكي بالغرفه الثانيه
ورجعت بعد ربع ساعه انيم بنتي ورحت اغسل ثوبه لانه طلب مني اغسله

راح اعطيكم نبذه عن حياتي

زوجي دائم يقول اخوانك يلعبون بالفلوس وشارين ومسوين والله مايذكر الله باختصار يغار منهم وحاسدهم
يقول امك راجعوا بيها دكتور نفسي لانها ماتتقبل المزح " امي حساسه كثير ومره كنت نفاس عند اهلي وزوجي يجي يشوف بنته ويروح ولايسلم ع امي ولايزهمها وبعد اسبوعين زارنا واخواني حلفوا عليه يتقهوى وقتها امي دخلت عليهم تسلم سلم وهو جالس يعني ما احترمها ولا ولاحب راسها" ولما زعلت امي من هالموقف قال امك ماتتحمل مزح
عشان كذا يبي امي تتعالج نفسيا تخيلوا
يقول ابوك ليش مايروح يسوي جلسات بخار ويهتم بنفسه و وابوي التجاره لاهيته بس يتسبح كل يوم ويلبس ملابس نظيفه
مره من المرات رحت لاهلي الا اخواني الصغار حاطين بالونات ومنثرينها ع الارض رحت صورت الصاله رجعت البيت وراح يتفرج وشاف الصاله اخذ يكبر الصوره لين لقى ع الرخام نقطتين من الورق وقال بيتهم وسخ
مع العلم البيت مرتب ويلق نظافه والالوان فاتحه وطبيعي الاطفال يرموا اشياء ومستحيل تشوفينها الا لما تشيلي البالونات
كل ما اروح لاهلي ماشاء الله يايطبخون لحم حاشي اولحم غنم او مشاوي من برا او رز وسلطات وحلا من بكرا غيرتقديمات العصر ولما اقوله يسكت ولاعمره قال ماشاء الله اهلك كرماء
امس نزلني عند اهلي وقلت حليب البنت بيخلص قال خلهم يشتروا حليب قلت ابوها موجود قال هذي بنتهم قلت استحي اطلب منهم قال سبحان الله عمي اللي هو ابوي وابو فلانه مرت اخوه وابوفلانه مرت اخوه الثاني بخلاء!!!!!!!!!!!!!!!1111
قلت ما اسمحلك قسم بالله لو اطلب منهم شي مايقولون لا بس انت اللي تصرف ع البنت قال وهم بعد قلت لا وعصب قلت غصب عنك تصرف ع البنت طبعا هنا اعترف اني غلطت بس جد هو مستفز رحت اعتذرتله وماقبل اعتذاري شايف نفسه بعد
زوجي يحترم عيال اخوانه حتى اللي اصغر من اخواني يعاملهم احسن معامله واحسن من معاملته لي
يحب يسئل عن سلفاتي ومين اكشخ انتي ولاهم وطبعا اقو لانا لاني واثقه من نفسي
واذا جلس يمدح امه وابوه واخواته و
في الوجبات الرئيسيه الثلاثه مانتقابل الا ع وجبه وحده ونادرا جدا ع وجبتين
العشاء لازم مع اخوانه يطلع من العصر ويرجع الساعه وحده ومرتين رجع مع اذان الفجر واحيان 2
كل ما احتاج شي واتصل اغلب الاحيان يفشلني او يقول عندي رياجيل واحيان يحقرني مايرد علي
يوم كنت نفاس كنت ارسله مسجات ومره كتبت باخر مسج تصبح ع خير حبيبي وانصدمت كل مسجاتي يرسلها لبنت اخته ومره مرسل هالرساله بالغلط
طبعا وش تكون ردة فعلك حتى لوبنت اخته
ومايرد ع مسجاتي الا 1بالمئه بنت اخته ابوها وامها منفصلين قريب
واذا فكر يرسلي مسج لازم يرسلها نفس رسالتي
قطعني من صديقاتي كل ماقلت بروح لهم يقولي روحي للقريبين يقصد امه حاولت مية مره يوعدني واعطيهم خبر بالاخير يفشلني ويعتذر ياعنده دوام او بيطلع مع اخوانه
ويقولي روحي مع اخوك بس ابدا مارحت عشان لورحت مع اخوي مره بيتعود انه يرمي حملي ع غيره

هذا غير الكذب اللي عنده دايم يكذب ويقولي لاتصدقين كلامي

كم مره اقول ابيك بس تتعشى معي وبعدها روح لاخوانك يقولي لا ويسويلي سالفه
لين حدني اني ارجع للفيس بوك بعد ماتركته من سنين ورجعت للشخص اللي خطبني من امي واخوي بس اهلي رفضوه لانه من جنسيه ثانيه قالي انتي اختي وبس نسولف ع الفيس بوك ادري حرام بس قسم بالله جلست ابكي واقول يارب تب علي ما ابي الحرام وما ابي اخون زوجي

وارجع اتصل ع زوجي ويحقرني مايرد علي

لين قررت اني اطلب الطلاق بس خايفه ع مصير بنتي

لاتتوقعون اني فكرت بالطلاق عشان اتزوج اللي حبيته؟ لانه مستحيل اهلي يوافقون بس ابي رجل يهتم فيني ابي كلام حب بالحلال ما ابي الحرام وقلت لزوجي المرأه مثل الطفل اليتيم مسكينه وكلام كثير مؤثر يتاثر دقايق وينسى كل شي
مره لقيته يبحث عن مواقع اباحيه وانصدمت
طبعا اهله انا ع تواصل دايم معهم اجيهم بالشهر 10مرات واكثر
وطيبه مع كل اهله واساعدهم ويحبوني كثير
هذا جزء يسير من حياتي شوروا علي زوجي محلفني اذا طلعت شي من اسرارنا لاهلي اوشكيتلهم انه يطلقني