حتى الكوافيره استغربت

شخصيتي فولاذيه

25-11-2022 - 06:34 am

ازيكم يا عزيزات ؟؟؟ انا امبارح حصللى احلى موقف .. انا من سنه قصيت شعري عند الكوافيره اللبنانيه الى بتعامل معاها على طول بقالى معاها 5 سنين مش بقص غير عندها
وطبعا غلط قوي اني اهملت شعرى ومقصتش اطرافه سنه كامله بس لانى كنت بجهز لبيت الزوجيه وكنت فى دوامة
وروحت امبارح قلت لجوزي وديني بقى للكوافيره اقص اطراف شعري ... قلى اوك .. اه على فكره انا عايشه فى السعوديه مش فى مصر .... المهم روحتلها واول ما شافت شعري قالتلى الله اكبر ماشاء الله وصلى وسلم على محمد ...
قالتلى ايه ده؟؟؟؟ مش معقول ده شعرك ؟ انا والله لو مشفتش وشك كنت هقول انتى وحده تانيه ....
قالتلى شعرك بقى تقيل قوي وبيلمع وطويل قالتلى حبيبتي احكي بسرعه شو صار معك كيف صار شعرك هيك؟؟؟؟؟ ههه قالتلى انتى قصيتي اطراف شعرك عند حد غيري؟ والله ازعل قلتلها اقسم بالله ماقصيته من سنه غير عندك قالتلى انا كنت قاصتهولك لعند ودنك وجيالى دلوقت وشعرك فى اخر ضهرك؟؟؟ ايه السر بسرعه
قلتلتها اقسم بالله مش سر ولا حاجه ده عادي يعني بس كل الى عملته انى كل اسبوع بعمل حنه معاها بيضه ومعلقتين زيت زيتون و3 معالق زبادي وده سر جمال شعري وتقله لانى كنت من سنه شعري بشع منكوش وهايش وبيقع بطريقه رهيبه وعندي قشره فى فروه راسي ومش بيطول خالص ومفيش لمعه انما دلوقت بقى فظيع اقسم بالله يا بنات هو ده السر وكنت بعد كل تجربه حنه بعمل حمام زيت جوز هند وده سبب لمعان شعري وتطويله وعدم تقصف اطرافه مع اني فضلت سنه كامله مش قصيته ...
اهم حاجه الحنه متبقاش تقليد تبقى حنه يمني اصلى لونها احمر لان الحنه السوده مضره
وزيت الزيتون يبقى بكر معصور عالبارد مش معصور عالحار انا بجيبه دايما ماركته تركي لانه اشهر زيت معصور عالبارد
اما بقى زيت جوز الهند لازم يبقى اصلى فى العلبه الصفيح
ونصيحه مني محدش يتعامل مع حنه الى بتتباع فى مصر عند العطارين لانهم وللأسف بيغشوها
خلوا اى حد تعرفوه يجبلكم حنه من السعوديه بتبقى ممتازه ومش مغشوشه لونها اخضر بودره والقش فيها مترح طحن الورق وريحتها نفاذه وجميله
بس وبكده قلتلتكم على سر جمال شعري وهكمل برضه عشان يطول خالص لان جوزي بيحبه طويل وناعم وتقيل وعقبالكم كلكم يارب
منقول للفايده

التعليقات (9)