حركة حلوة تخلي زوجك مبسوط منك

السلام عليكم ....
فيه حركة بسيطة وعادية بس بصراحه النتايج حلوه والحمد لله ...
انا زوجي صامت وغير عاطفي ولا رومانسي ولا يعبر كل عواطفة داخل جواه... وجربت كذا طريقة عشان يصير بيننا سوالف واشياء كثيرة اتمناها ... وتعبت ...
بس جا على بالي هالفكرة ...
جيبي برواز الصور اللي له سناد وخليه على التسريحه ..وجهزي اوراق بدال الصور واكتبي فيها عبارة حلوه او كلمات او شعر او بوسة بالروج كل اسبوع او حتى كل يوم او كل شهر على حسب فضوتك ...
والله رجلي ما يعبر بالكلام بس بصراحه بعدها ... لاحظت انه يراني بعين الرضا وكل يوم يناظر في البرواز ويتبسم ...
بيني وبينكم اول ما حطيتها ما عبر ولا كاني حاطتها وشكيت في نفسي قلت يمكن ما قراها مشغول
ما عاد صرت احط عبارات جديدة ... ومرة كنت زعلانه منه ... قلت افش خلقي في هالبرواز قده مو شايفه ... وحطيت رسمة وجه زعلان وكلام ما اعجبة مرة ... وما دريت الا هو يعصب ويزعل ويقول وش هاللي انتي حاطته في البرواز .... دريت انه يستانس من كتاباتي ويقرا ويؤثر عليه تاثير ايجابي مع الزمن ... بدون ما يعبر ما يهم التعبير اهم شي النتايج .. والا لا؟؟؟ <<< واحده ما عندها امل يعبر ههه