حسبنا الله ونعم الوكيل

1. خواتي أنا متضايقه وكل يوم تزداد ضيقتي أبغى أفضفض لكم ..

السلام عليكم..
أهلين خواتي كيفكم أن شاء الله الكل بخير وصحه وسلامه..

خواتي أنا متضايقه وكل يوم تزداد ضيقتي أبغى أفضفض لكم ..

أنا مو معترضه على قدر الله أني تطلقت لا يمكن يكون أبتلاء أو أختبار لي وأن شاء الله خيره لي..
لكن أنا عندي أخت لي مطلقة قبلي وكانت تحاول أني أي شيء زين لي تحاول تضايقن بكلامه حتى أتركه وأنا فضلت كذا وكنت ضعيفه وطيبه بزياده عن اللزوم والحين أنا صرت مثله مطلقه وهي فرحانه أنا أنا وهي مثل بعض وهي أكبر مني ب 7 سنوات والله أني أتمنى لها الخير وأدعي له لكن هي ماتبغى أي شيء زين يصير لي ..
أنخطبت يوم تخرجت من الثانويه قبلها قالت لي تتزوجين قبلي وتخليني علك بحلوق الناس أنا رفضته علشانه وأنخطبت كم مره بس يروحون مايصير نصيب وتزوجت هي وأنفصلت بعد 6 شهور وكانت ماتبغاه هي طلبت الطلاق وخطبوها بعده كثير بس ترفض ..
أنا اللي مضايقن غي أني مطلقة أنه قبل كانوا أهلي ماوقفوا معاي يوم مشكلتي وكل واحد كان يقولي كلمه مانسيتها للحين وكل ماأشوفهم وأنا بوضعي الحالي أتذكر كلامها مثل أختي يوم كنت متملكه تقولي وين راح تسافري قلتها لكذا قالت أمانه أحلفي الله لايوفقك إذا تكذبين... وش رأيكم بكلامها وكانت تستهزاء فيني أنه يرميك عندنا وتضحك وتحاول تذكر أحد زي أسمه قدامي كثير علشان أتضايق..
تخيلوا للحين ماكفاها أني مطلقه تتمنى يصير لي أكثر وأكثر.. أحاول أتجنبها وأقدم لها الخير بس والله ماتستاهل شيء ودي ماأكلمها طوال العمر بس برضوا حرام مايجوز ..
وأمي كنت دايم أشكي لها عنه تقول تكذبين وأختي الكبيره وحده ثانيه تستهزاء فيني ووبمشكلتي وجرحني كثيرآ يعني كل واحد معي أتذكر وش قالوا لي وأنقهر ليه ماوقفوا معي وساعدوني خلوني سنه كامله معاه لين نفسيتي أندمرت ونحفت وكل شيء جاني حتى بعدت عن ربي حسبي الله عليه ونعم الوكيل..
أنا ماراح أرتاح لين أسمع أنه صار له شيء بذاك الوقت راح أقدر أعيش حياتي وأنا منتصره أدعولي ربي يأخذ حقي منه ..
صرت أفكر بالأنتحار كثير أعوذ بالله من الشيطان الرجيم وصرت أدعي على نفسي بالموت كثير والله مو بيدي غصب حسبنا الله ونعم الوكيل أحيانا أدعي أقول يارب أرزقني الزوج الصالح وشيء يقولي من يتزوجك وحده مطلقه وضعيفه شخصيه كأنك شخصيته طفله وأردى أنا بكل مكان ضعيفه شخصيه والكل أخذ عني الفكره هذاي بكل مكان أتعب بالأجتماعات والعمل وبالبيت أنا مالي وجود إذا بغوا يستشيرون أهو شيء أختي اللي قلت لكم عنها وهي مسويه نفسها أنها هي المعذبه واللي تشتغل بالبيت لوحدها والله أنا أشتغل بس ماأقول أنا أشتغل وغيري لا ..
أتمنى أموت كثير أبغى تكون لي شخصيه قويه مو بالصراخ والمشاكل مع الناس لاا أبغى أخليهم يحترموني والله حتى نفسي ماأحبها وأحب أساعد غيري بس ماحد يساعدني ..
أعطوني رأيكم وقولوا لي الصراحه والله أنا بكل مكان مظلومه وكنت أدعي أني أتزوج وأفتك منها لكن تزوجت وتعذبت ورجعت لها..
بنات أنا قريت موضوع بمنتدى ثاني وحده كاتبه عن الطلاق أنه المطلقه هذا عقاب لها من الله علشان أنها مسويه شيء معقوله الطلاق عقاب ؟؟يعني كل بنت مطلقه مذنبه
؟؟ أبغى رأيكم وكيف أتصرف مع هاأخت بنات أدري كلامي مو مرتب بس حتى إذا تذكرت أنه طليقي يمكن يتزوج ويتوفق وبتجيء تقولي راح أحزن أكثر..
والله مدري كيف أعيش بالحياه ليتي ماتزوجت طوال العمر أفضل حسبنا الله ونعم الوكيل..
الله يخليكم ردوا علي وأدعولي..