حطم احلامي خطيبي

غريبه..
بس انتظري للعيد وقوليله هاا وش عيديتي
او
انتي اهديله هديه واذا قالك حلوه ومشكوره...
قولي له تستاهل احلى وهذا مو مقامك
ومن ضمن الكلام قولي ترى احنا يالبنات نموت
ع الهداايا والمفاجأت >وان شاء الله يفهمها

والله ياروحي وضحت له من غير الهدايا بلاخير بطلت اهديه ...

شوفي يقلبي اذا خطيبك طيب معاكي لاتركزي على امور زي كذاا ابداا صدقيني ..انا زيك في الخطبه كنت اشوف بعض من صحباتي يعطووهم ومدري كيف ..ماقلك زوجي ماكان يعطي بس مو بكثره ..اخذت فتره اتضايق بس لاتخليها سبب انك تنكدين صدقيني اهم اهم شي انه يحبك ويقدرك عمره الهديه ماكانت سبب ..وابداي انتي يمكن هو يحس بعدين

حتى جوال ما اهداني اوكي بس<< تهادوا تحابوا>>
بس لما تجيك هديه من حبيبك تكون غير وفرحتها غير

إلا البخيل ... يالطيف
هادا مالو علاج .. وابغي اقولك انه ماراح يتغير فحاولي تتأقلمي مع الموضوع دا
الله يعينك ياقلبي ويكتبلك الخير فين ماكنتي

حبيبتي مو كل الرجال واحد وبعدين في نوع وهم الاغلبية اتجاه واحد ما يعرفوا امور الحريم والبنات تبع اللف والدوران يعني مثلا انا زوجي عمره ما جابلي هدية مغلفة والوان وورق هدايا وكده يمكن ورد مره او مرتين عشان لا اظلمه بس اذا طلبت منه شي بصورة واضحة انا ابغى كده على طول يجيب وما يقصر واول الزواج كنت اتميلح زيك ابغاه يحس على دمه بس لا حياة لمن تنادي ومع الزمن عرفت طبعه حبيبتي زوجك اكيد فيه خير وماهو بخيل بس ما يعرف حركات زي كده وماشي بمدأ اذا هي تبغى الشي تطلبه او يمكن مسكين ما يثق في ذوقه عشان كده يخاف يجيب لك شي وما يعجبك وتحرجيه لا تظلمي الرجال وتشكيه لطوب الارض جربي اطلبي مثلا منه جوال معين قولي انك نفسك فيه طلب واضح وصريح وشوفي كيف راح يلبيه اول ما ظرفه يسمح وراح تخجلي من نفسك لانك ظلمتيه
اسفه اني طولت عليك بس والله ما احب اشوف البنوتات الصغار الحلوات وهم يتوهوا في دهاليز الظنون ويعانو مثل ما عانينا اول الزواج لين ما فكينا شفرة هالرجال لان ما كان في احد يجاوبنا او يفهمنا شي
الله يوفقك بحياتك الزوجية وطولي بالك ياعسل والف مبروك مقدما

انا مع الاخت شمعة حياتي
وموفقه يارب

حبيبتي ليش تقارني نفسك بالاخرين ، احتمال هو مثل ما تقولي يحبك وما يهديكي وهم ازواجهم ما يحبوهم ولكن يجيبولهم هدايا صح مو شرط لكن الصح عشان تكوني مرتاحة في حياتك لا تنظري للاخرين.
انا كنت اهدي زوجي من قبل الزواج وقت الملكة اكثر من مرة اهديته اشياء وطبعا حتى بعد الزواج ومع هذا هو ما اتذكر انه اهداني شيء وقت الملكة غير يوم العيد فقط، وبعد الزواج ما جابلي هدايا لكن ما يقصر لما اطلب شيء.
يعني كل انسان وله ظروفه وطريقته ، المهم انه يحبك، وبصراحة هذا الشيء رائع واعتقد انه كافي.
انا اعقتدت قبل الزواج ان زوجي بخيل وكنت اتضايق جدا، لكن بعد الزواج تنبهت انه هو اصلا ما ينتبه لهذه الاشياء وانه مو بخيل، عشان ترتاحي صلي استخارة والله ييسر لك امورك

طبعه الله يعينك انا متزوجه سنين بالاول كنت اهديله الحين بطلت ما يهديني
بس لما اطلب منه ما يقصر