أنا و خطيبي

اول شي
انتي صليتي صلاة الاستخاره
اذا وافقتي عليه بعد صلاة الاستخاره
وحاسه انج للحين ماتحبينه فهذا امر طبيعي
واذا ماصليتي الاستخاره صليها الحين
وان شاء الله بتحسين براحه
حبيبتي الحب مايجي بسهوله
اذا انتي للحين في فترة الخطوبه فهذا شي طبيعي
يعني للحين ماصار بينكم شي
وعلى حسب كلامج انه شاب ممتاز
فنصيحتي لج
لاتفرطي فيه
لانج مابتلاقين احسن منه
ودام تفكيره مثل تفكيرج وفي توافق بينكم
فهذا رائع يعني الموضوع بس ناقصه حب
والحب ان شاء الله بيجي مع الايام
الله يوفقج ويهنيج

بسم الله الحمن الرحيم
سلام اختى الحبيبه ................. كيف الحال والاحوال
... جزاهم الله خير كل البنات كلامهم صحيح طلما هو شاب ممتاز خلاص استمرى و الحب الصادق يجى مع العشره والوقت ..انا والله متزوجه تقريبا من سنه ولما كنت مخطوبه كنت احب خطيبى بس بعض الاحيان احس مع تفسى كما كنتى تحسين رغم انو شاب ممتاز والله وكان حتى كثير كثير يحبنى بس ما كنت اعرف شو فى بس تعالى بعد الزواج اموت فيه والحمد الله حتى هو يضحك ومستغرب : بس والله العشره والقرب اكثر والدعاء من الله ان يكون زوجك هو دنيتك وحبيبك وصديقك واهلك افضل شى ...........
اوتوكلى ع الله وان شاء الله نباركلك ع الزواج وتحكيلنا ما فى زى زوجى فى ها الدنيا .............................

البنات ما قصروا
صح لا تفكرين في هالشي
يعني اربع شهور ومثلا ما صار انكم اختلفتوا وهو زعل (( الله لا يجيب زعل )) يعني
وقت الزعل راح تحسي مثلا انج ما تقدرين على زعله
او مثلا قطع عنج مده راح تحسي انج مشتاقتله يعني الحب ترى جذي بتحسيه فجأه
مثلا اذا تأخر عن موعد اتصاله ما تحاتين وتنطرين متى يتصل
ترى الي يحب ما يعرف انه يحب الا بعد فتره يكتشف هالشي
حاولي تجربين اي شي عشان تحسين بهالاحساس
ومو من اول مره يعني جربي
ودامه زين خلاص الله يوفقكم
تعالي طيب هو يحبج ؟؟؟؟؟هاي سؤال مهم
انا مثلا احس اني ما حبيت خطيبي الا من حبه لي
احس ان حبه لي هو الاساس
يعني اذا هو يحبج وانتي حاسه بهالشي راح تبادلينه هالاحساس
والله يوفقج

انا من رايي هذا شعور طبيعي ولسا انتي عروس صبري شوي بتشوفين روحج بتموتي عليه
ويالله بلا دلع وما تفكري بالانفصال ترا البنت مالها الا زوجها
سوي حركات حلوه بحياتج
يعني تغييرات مثلا تحرشي فيه بمسجات على الموبايل شوفي شنو ردة فعله
وبس ان شاء الله تصيروا سمنه على عسل
ام شهد

شكرا حبيباتي ... بصراحه اقدر احس حرصكم علي من ردودكم الطيبه بس صدقوني انا محتاجه للاحساس هذا بالنسبه لسؤال الاخت حلا قطر انا احس انه يحبني بس يمكن هو مايعبر عن حبه كثير بس

السلام عليكم
انا سعيدة جدا بدخوبي لهذا المنتدى
كنت اعتقد مشكلتي مع خطيبي لوحدي واخشى البوح او استشارة احد فيها لكني عندنا اكتشفت انها ممكن تصيب البنات المخطوبات ارتحت قليلا
لانني مثل اختي دمعة مخطوبة من 6 شهور وحطيبي انسان طيب ولكني لا أستطيع ان احبه للآن ومرات عديدة افكر بالانفصال
مع العلم انني لم اختلف معه على اشياء جوهرية
اشكركم على التكلم بمواضيع شائكة عديدة
اعتقد من بعد دخولي لهذا المنتدى انني وبإذن الله سأكون زوجة جيدة

كيفكم يا فراشات ان شاء الله بخير طبعا في موضوع محيرني و اكيد مافي الا اخواتي الفراشات يفكون حيرتي (لا تفشلوني )
المهم انا كنت استنى اللحظه اللي اكون فيها عروسه اموره وكان نفسي يكون زوجي هو حياتي و روحي وكل شي بالنسبه لي و الان انا مخطوبه من 4 شهور تقريبا طبعا الحمد الله خطيبي شاب محترم و مؤدب وماعلية كلام بس المشكلة اني مو قادره احبة يعني مااحس باي مشاعر تجاهه مع انه مو مقصر معي ابدا و الحمد الله تفكيرنا نفس الشي يعني مافي اي مشاكل ..... كل المخطوبات حوالي يعشقون ازواجهم نفسي احس هالاحساس و الله بعض الايام مانام طول الليل انا مستغربه من احساسي واحيان كثيره احس برغبه ملحه في الانفصال بس ارجع افكر و احس ان مافي شاب بيكون احسن من خطيبي من جد ابغى نصيحتكم ما العمل ؟؟؟ هل احساسي طبيعي ؟؟؟ هل اطلب الانفصال ؟؟ ايش اسوي

عزيزتي دمعة.. لا تشيلي هم أحيانا يكون شي عادي وأنا بداية خطبتي كنت نفس شعورك ماأشعربأي شي تجاه خطيبي لكن الآن الحمدلله .. لكن لاتنفصلين لأنك قلتي إنه تفكيره زي تفكيرك وفي أشياء كثيرة إنته مشتركين فيها مع بعض..فلا تشيلي هم ولاتطلبي إنفصال أبدا وأدعي الله دائما ( اللهم أنزل حبه بقلبي ورضني به وقدرني على سعادته ) وبالتوفيق والسعادة إن شاء الله..

صلي على النبي محمد وهدا احساس طبيعي مدام هو رجال طيب وزين احمدي ربش ولا تسرعين في تفكيرش