حطي نفسك مكاني 00 تعبت نفسيا منهم00

السلام عليكم ورحمة الله وبركاته 000
حبيباتي أنا بدخل بالموضوع على طول لأني مقهوره يمكن البعض يقول شيء عادي بس مو إذا تكرر كم مره 000
أنا ياطويلات العمر إذا عزمت أهل زوجي لبيتي وسويت لهم عشى من يديني يلمسونه تلميس يعني إسم إنهم كلوا 00 زين
وغير كذا كم مره صار لي هالموقف ويعلقون على اي شيء زين شين كله فوجهك يعني مثلاً يقولون(( يووه وش ذا القهوه وش حاطه معها 0 أو الزنجبيل وع وراه حار وهم أصلاً مايشربونه إلا حار يعني فلفل 0وغير كذا كم مره يصير لي هالشيء وقلت اليوم لزوجي وحلفت له وقلت له (((( أهلك على عيني وراسي بس والله العظيم ماراح أطبخ لهم مره ثانيه وكل شيء ثاني مره من برا يعني ماراح أتعب نفسي ولا هي أول مره وإنت عارف هذا الشيء وكله عشان خاطر عيونك بس كل واحد وله حد يتحمل وأنا ماعاد أتحمل تحطيم واثقه من طبخي إنه حلو ))) بس ماراح أطبخ مره ثانيه
والغريب إنه لو أسوي حلى ياكلوونه أكل وغير كذا لا أخلو من التعليق يا مثلا ليش حلاه كثير أو غيره يعني ماأرتاح وإلا أقول ياسلام اليوم راضين 000
ووالله العظيم إني حبوبه معاهم ولا أرفض لهم طلب بس القهر طبيتي الزايده
وغير كذا يوم قلت لزوجي قال طيب سوي عشاني بيضي وجهي لو ماياكلونه قلت له خير وتعبي يروح عالفاضي ليش ولا ألقى أي تقدير 000 وكل شيء نظيف وكل شيء يلق ولا كأني سويت شيء !!!!!!
دلوني الله يخليكم وش أسوي ووش الحل تعبت وكرهت جيتهم لي للبيت !!