حكيمات الفراشه اختي جاها انهيار

1. السلام عليكم ورحمة الله وبركاتة

السلام عليكم ورحمة الله وبركاتة

لمشكلة تخص اختي وهي اللي طلبت مني انزلها في منتدى الفراشه من كثر مامدحت في حلول البنات وحكمتهم لان القرار اللي بتاخذة مصيري بعدالاستخارة والاستشارة فلا تبخلون علينا بأي حل اوفكرة اودعاء لها ان الله يفرج همها ويشرح صدرها
في البداية اختي جميلة جدا تقدم لها شخص ليس من الجماعة ولكن من نفس القبيلة وخطبها وهي في اول ثانوي الوالد رفض تزويجة في البداية ولكنه وسط عدة اشخاص لهم مكانة عند الوالد وبعد المحاولات ووساطات وافق بشرط مايتم الزواج الابعد ماتاخذ اختي شهادة الثانوية وبعد سنتين تم الزواج وصارلهم متزوجين 5 سنوات وكان مع اختي نعم الزوج احبتة واحبها بجنون ...وحنا نتعتبره اخ وله مكانة عند العايلة كلها
ادري بتقولون وين المشكلة ..........المشكلة ان زوج اختي طلع عقيم سوى تحليل ونتيجة الحيوانات المنوية صفر
وكانت تدري بس ماخبرتنا الامن فترة قريبة والجميع يظن ان االعيب منها وكل وحدة تعطيها رقم حرمة تعالج والاطبيبة واختي كاتمة وتقول انها تراجع عند مستشفى اوطبيبة شعبية
اختي جت عند اهلي من نصف رمضان لانها تعبانة جدا وهي ساكنة بمنطقة ثانية واهل زوجها بمنطقة واهلي بالرياض
وكل يوم زوجها يكلمها بالساعات بالجوال اوبالماسنجر وكل اجازة يجي يشوفها قبل العيد راح لاهلة يتعيد عندهم وهي بقت عندنا بحكم تعبها وكانو متفقين اخر شوال ياخذ اجازة عشان يروح للاردن يتعالج لان ذكروا له دكتورة عالجت نفس حالتة .........جاء العيد وتخيلو يابنات الرجال قلب 180 درجة بعد ماراح يعايد خالة في مدينة ثانية
ويلمح لاختي انه بيجيب وحدة تونسها بدل ماهي لحالهابالبيت واختي تقول ان لخالة هذا بنت مطلقة ولها ولد اكتشفت من فترة ان زوجها ضايفها عنده ويكلمهابالماسنجر ولما واجهتة قال عشان اشعار خالة ترسلها له على الايميل وحلف ان مابينهم شي...
ولما جاء الاسبوع هذا الرجال ماهو الرجال اللي تعرفة ولا الزوج الحنون المحب ويبي يتزوج
واختي ياتوافق يايطلق يقول مابي اربطك معي اكثر وانا مافيني عيال قالت وبنت الناس اللي بتاخذها وشلون تربطها قال انتي اتزوجتك وانتي ماتدرين عن حالتي بس الجديدة بعلمها وهي شاكة بنت خالة
قالت له انا راضية بقسمة ربي اذا بيرزقني بضنا ابيه منك.... وفهمته انها تحبة ومستعدة تعيش معة بدون عيال بس اللي علية انه يتعالج ويروح لمشايخ لان بداية زواجهم تعبو وراحولشيخ وقال فيهم سحر واختي فيها نفس
وهو الله يهداه كان محدد له موعد عملية وطوفة مرتين اخرموعد باجازة الصيف
اختي حاولت تفهم الاسباب اللي قلبت زوجها وليش مصر على سالفة الزواج قال ابي وحده تونسك تكسرين خاطري لحالك وانا بالدوام والاطالع قالت درسني اونتبنى طفل رفظ وبعدين قال لا ان اللي باخذها سبب بشوف تحمل والا لا
لان صديقة قالة قصة ان واحد ماجاه عيال الالماتزوج على زوجتة والثنتين حملو... وقال بعطيها مهلة 6اشهر اذا ماحملت بطلقها واذا حملت بكيفك اطلقها اواخليها ......بالله شرايكم بهالمنطق والتفكير
لما عجزت اختي معاه وانه يغير راية طلبت الطلاق وجاتها حالة انهيار وجلست تصيح وشالها هو خواتي للمستشفى يقولون خفنا لاتموت من بين يدينا وهوصار يبكي حتى شفايفة صارت تنزف دم
في المستشفى قالوا انهيار عصبي وللمعلومية هذا ثاني مره يجيها بسبتة والحين ماتنام الابحبوب وهي حيل تحبة ومتعلقة فيه تقول يموت ولايتزوج انا راضية اقعد معاه بلا عيال
واللي محيرنا انه رافض يتعالج ومصر على الزواج وشال فكرة السفر للاردن اللي كان مخطط لها
انا قلت لاختي حل انه ياخذ مهلة سنة يتعالج ويسوي عمليتة ويروح لمشايخ اذا ماصار حمل هي بنفسها بعد هالسنة بتطلب الطلاق اذا كان مقصدة فعلا هي ومايبغى يربطها معاه اكثريكفي 5 سنين على قولته
الحين راح هو لاهلة بعد ماتطمن عليها وقالها فكري وهي قالت له عطني قرارك الجمعة
بالله كل وحدة تحط نفسها مكان اختي وش بتسوي وهذا جزاء صبرها وحرمانها وتحملها نظرات الناس واسئلتهم علشانة
وشرايكم ...........واللي ماعندها حل تدعيلها ان الله يرد زوجها لها ردا جميلا ويفرج كربتها وينور بصيرتها
واسفة جدا على الاطالة حبيت تكونون بالصوره ومايكون فيه نقطة غامظة