حلا الثلاث طبقات يجن

السلام عليكم ورحمة الله وبركاته
في حلا يجن بصراحه مره عجبني ذوقتو عند بيت اختي اتمنى يعجبكم وهو خفيف يعني ينفع حلا بعد العشا او مع القهوه بس بصراحه بعد العشا نادرا اكل الحلا اما مع القهوه كشخه خاصة لما تكوني طفشانه طاخ طيخ بالمطبخ وسوي حلا ودلة قهوه ولا احد قدك
المهم اخليكم مع طريقة الحلا
كيك بني (يكون هيئتو زي كيك ساريتا )
علبتين قشطه
بسكويت
نارجين مبشور
حليب شوكولاته
ثلاثه حبات جبنة كيري
ظرفين دريم ويب
سكر (قليل)
اسنكرس
الطريقة
اول حاجه نجيب صينية ونرص فيها البسكويت ونشربه بالحليب بعدين نقطع الكيك شرائح ونحط شرائح الكيك فوق البسكويت
بعدين نخفق القشطه والدريم ويب والحليب والسكر وجبنة كيري والنارجين بالخلاط ونصب المزيج فوق الصينيه وندخل الحلا الثلاجه لين تجمد الطبقه
بعدين نحط على النار الاسنكرس ونصب عليه حليب لين يسيح الاسنكرس مع الحليب ونحط هذي الخلطه فوق الخلطه الاولى اللي جمدت في الثلاجه ونرجعو للثلاجه مره ثانيه لين يجمد الحلا وبالهناء والعافيه
ارق تحياتي