حلا الشمواه ذوقيه وقولي واه

السلام عليكن جميعا
انا عضوة جديده معكم وان شاء الله افيدكم وتفيدونني
وبما ان هذي اول مشاركه لي بالمنتدى حبيت احط لكم هذا الحلا وانا بنفسي مجربته يهبل ويصلح حلا قهوه وكذلك حلا سفره
بسم الله ابدأ...
المقادير والطريقة:
الطبقه الاولى :
كيك اليمامه بالفانيليا تحضرين صينية البايريكس حجم كبير وتفكين الكيكه الوحده الى نصفين وتضعين الجزء اللي فيه الكريمه لاعلى
الطبقة الثانية :
ضعي بالخلاط:((باكيت دريم ويب+علبة بسكوت اولكر(الشاهي)الصغيره او 17 حبة بسكويت(اذا ما كان عندتس علبة بسكويت صغيره)مطحون طحن ناعم+علبة قشطة+ملعقة كبيره نسكافيه+2فنجال قهوه سكر)).
اخلطيها جيدا بالخلاط حتى تتمازج مع بعض جيدا ثم اتركيها جانبا.
الطبقة الثالثة :
ضعي في قدر:((4ملاعق كبيره حليب بودره+كأسين ماء+2باكيت كريم كاراميل)).
بعدين حطيها على النار مع التحريك واذا فارت صبيها على الخلطه الثانيه واعيدي خلطهما بالخلاط زين الين يتجانس الخليط بعدين صبيه على الكيك .
بعدين جيبي شكولاته بودره وحطيه بمشخال وبعدين رشيه فوق الخليط الين يتغطى الوجه وحاولي تكثرين شوي عشان يطلع زي الشمواه بعدين دخليه الثلاجه ثم قطعيه وقدميه مع القهوه او خليه حلا عشا
وبالهناء والعافيه وبانتظار ردودكم