حلا من اختراعي لزيز والله

السلام عليكم ورحة الله وبركاتو واللي في جيبك هاتو,,
كيفكم ان شاء الله تمام...
يارب تكونو طيبين..
طيب نخش في الموضوع,,
مرتون من المراتي << ايوا يا فصحى خ..
لا لا عنجد..كان عندنا الفطور قبل اسبوعين ..وانا افشل وحدة في العالم في المطبخ بس يجي مني شوية يعني << برا يا ادابه = كدابة خ..
الموهيم ..افتحلك التلاجة والاقى فيها تفاح ..والله شكلو كان عزاب مرا يشهي..
فقلت لازم اعمل بي حاجة..
وجلست افكر ها يا بت يا رورو ايش تعملي ....
الين ما لقيت الحل ..
وعملت بي حلا مرا سهل ولزيز..
سوري طفشتكم ..بس لازم تعرفوا حكايه الاختراع دا<< مع نفسك خ ..
طيب..
المقادير..
2 بسكوت شاي..
1 حليب السعودية..
1 قشطة كبيرة..
1حليب نستله المكثف المحلى<< حلوياتك اغنى والز كل مررا كل مرا<< لازم دعاية خ..
وطبعا 2 تفاحة<< ايش الكلجة دي ههه..
وقرفة تجي زي البودرة..
الطريقة...
تبللي البسكوت بالحليب وبعدين ترصي اول طبقة في الصينية..
وبعدين تخلطي القشطة مع النستله وتحطي فوق البسكوت وتخلي شوية من الخلطة ..
ونفس الطريقة للطبقة التانية..
وبعد كدا تقطعي تفاح قطع متوسطة وتخلطي معاه القشطةوالنستلة وتحطيه فو البسكوت..ورشي فوقه بودره القرفة وبسكوت مفتفت بيدك ..
وبعدين حطيه في التلاجه يعني ساعة ساعتين بالكتير..
وبث..
وه تعبت ..ويارب يعجبكم ..
وقولولي ايش صار معاكم << الله يستر بس خ..
تحياتي..