حلى اللقيمات المحشيه مع صوره للشكل النهائي

بسم الله الرحمن الرحيم
السلام عليكم ورحمة الله وبركاته
سويت لكم حلى اللقيمات طبعا اسمه كذا عشان شكله مثل اللقيمات ولو تصبي عليها شيره اللي تقدميها له يفتكرها لقيمات من جد
مقادير العجينه:
3 كاسات طحين
3 علب قشطه
2م/ك بكينج باودر
للحشو:
جبن كيري
مقادير الخلطه اللي راح تصبيها عليها بعد ماتنتهين
2 حليب نستله صغير
م/ص ( ملعقة الحلا) قرفه مطحونه
للتزيين: شوكلاتة هرشي السائله
أو
بدل الخلطه( شيره )
الطريقه:
1 - تعجني العجينه بالقشطه وإذا لزقت في يدك ضيفي شوية طحين لين ماتنفك من يدك واتركيها ترتاح شوي لمدة نصف ساعه
2 - بعدين خذي قطعه صغيره من العجين واحشيها جبن وكوريها إلى أن تنتهي كمية العجين اللي عندك
3 - أقليها في زيت غزير لين يصير لونها ذهبي مثل لون اللقيمات ( لاتخلين الزيت يغلي مره عشان ما يطلع لونها مو حلو )
4 - حطي في الخلاط حليب نستله والقرفه بعدين صبيها عليها بعد ماتنتهين من قليها بس لاتغرقينها مره من الخلطه يعني بالمعقول ( يمكن استبدال هذي الخلطه بالشيره وتصير كأنها لقيمات)
5 - رشي عليها شوكلاتة هرشي السايله
6 - حطيها في طبق التقديم واغرسي فيها أعواد أسنان <<< إذا كنتي بتستخدمين الخلطه اللي فيها نستله
ملاحظات:

• حطيها اول شي في طبق التقديم بعدين صبي عليها الخلطه
• الطحين المستخدم هو طحين الكويت ( الكيس الواحد منه يعادل 6 كيسان ) طبعا من

الكاس اللي عايرت فيه

• مالها طعم من غير حلى يعني لازم تحطين كميه مناسبه اما من الشيره أو حليب النستله
• تقدم وهي ساخنه أفضل

الشكل النهائي بس الصورة مره طلعت كبيره المعذره
( الصوره حذفتها لأنها مره كبيره وبهبل)
وبالهناء والعافيه