حلى الوردات والحشوه من تأليفي الأسطوره

"
. . . . .
السلآم عليكم ورحمة الله وبركآته
كيف حآل الغوالي .!
يآرب يكون الجميع بخير صحه وعآفيه
حبيبآتي ....
مره من المرات قررت اجيب لأهل زوجي حلا شكله حلو وطعمه احلى
فأخذت صينيه مرنه خآص بالحلآ
وابتديت فيه بسم الله
ثم جهزت المقآدير التآليه
شوكولآته خآم أبيض بني فآتح بني غآمق
جميع انواع البساكيت الموجوده في السوبرمآركت
بسكوت ديجستيف بسكوت الجوزاء بسكوت اوريو بسكوت شآهي العآدي
بسكوت بالبندق بسكوت بالمكسرات بسكوت كوكيكز
حليب نستله المحلى
.. الطريقه ..
جبت صينيه السيلكون الخآصه بالقوالب
مثل هذه الصوره
بس طبعآ جبتها على شكل وردات
حطيت جزء من الشوكلآته البيضآء في حمآم مائي بعد ماصار سايل
قمت غلفت القوالب بالشكولآته ثمآ
جبت جميع البسكوت خليته مجروش ثم اخذت شوي منه حطيته في القوالب
ثمآ فوقه شوي حليب نستله ثم بسكوت مره ثانيه بعدين سكرت القوالب بالشوكلآته
دخلته الفريزر مدة سآعه تقريبآ ثم طلعته قلبته على الصينيه
وحطيت كل ورده بورقة بيلسيه وصفيتهم بالصينيه
ونفس الطريقه سويتها مع الشوكلآته البنيه والغآمقه أمآ اللون
الوردي فجبت الشوكلآه البيضاء وحطيت عليه قطره من الفيمتو
<< اقصد فيه الفيمتو او التوت اللي ينشرب في رمظآن
طبعآ النتيجه طلعت اجرام والحموله انجنو عليه
وهذه الصور يالغولي
برايفت { لآاسمح بنقل الموضوع الا بذكر المصدر
. . . . .
"