حلى باسكن

السلام عليكم ورحمة الله وبركاته
كيفكم يافراشات
جبتلكم اليوم معايا حلى شي.. اموت فيه انا وان شاء الله يعجبكم
المقادير :
علبتين بسكوت ..ماري او اي بسكوت شاي..
6 حبات جبنة كيري ..
علبة كبيره قشطة .. " مو الكبيره مره ولا الصغيره مره في وسط اللي دايما يجيبوها في الاعلانات..
نستله حليب مكثف "المشهور بحليب الجاموس" علبة كبيره ..
فانيليا..
كيسين دريم ويب..
كورن فليكس..
سكر محروق..
الطريقه ..
حطي كل المقادير في الخلاط معادا البسكوت والكورن فليكس و السكر المحروق ..
لمن تحرقي السكر قصدي تذويبيه حطيه على سفرة بحيث انه يصير خفيف وتقدري تكسريه ..
دحين الاشياء اللي في الخلاط انخلطت خلاص ..
ايش راح تسوي بيها ؟؟؟؟
تجيبي صينيه وتحطي طبقه من البسكوت اللي فتفتيه وتحطي شويه من المقادير اللي في الخلاط وتحطيه باقي البسكوت وبعدين تحطي باقي اللي في الخلاط
كدا سارت كم طبقة؟؟
4 طبقات ولو ماتبي 4 طبقات حطي البسكوت كله وبعدين كل مقادير الخلاط فوقه..
المهم
بعد ماتخلصي من وضع المقادير في الصينيه
تجيبي السكر المحروق وتكسريه وتوزيعه فوق الخلطه و ترشي معاه شويه كورن فيلكس بس ياريت قبل ما تحطي الكورن فليكس تكسريه بيدك شويه عشان ماتبان كبيره
وتحطي بعد كدا الصينيه في الثلاجة وتستنيه لمن يبرد
وتقدميه وبالهنا والعافيه..
ياريت يعجبكم
استنى ردودكم