حلى خيال من جد روعه وشكله بعد غريب

1. حلى البيضات***


2. المقادير:

..السلام عليكم ورحمة الله وبركاته..
شخباركم يالفراشات إن شاء الله بخير اليوم جايبتلكم طريقة حلى مره حلوه ورهيبه وشكلها بعد غريب
وأتمنى أنها تعجبكم وأبغى ردود لأني أول مرة اشارك وأكتب موضوع>>>ماأطول عليكم..

حلى البيضات***

المقادير:

• شوكلاته كيندر اللي على شكل بيضات اللي يكون موجود داخلها لعبه..
• 1باكيت كيك أمريكانا سويسرول شوكلاته أو أي نوع ثاني..
• 1ملعقة قشطة..
• 1فنجال صوص توفي..>>بكتب تحت طريقة تصليحه ..
• 1فنجال مكسرات مجروشه(يعني مطحونه طحن خشن) طبعاََ أي نوع تبغين

مثلا: لوز - عين جمل - فستق - فول سوداني..

• عين جمل الحبه تكون كامله (يعني ماتطحنينها ولا أي شي)..
• شعيريه باكستانيه..

الطريقة:
1- تفتحين الكيندر نصين وتشيلين اللعبة اللي داخلها..
2- تفتفتين الكيك وتفركينه وتضيفين له المكسرات المجروشه(وانتبهي لا تحططين عين الجمل) وتعجنين الكيك والمكسرات المجروشه مع القشطه الين تتمازج وبعدين تحشين بالحشوه هذي كل نصف بيضه من اللي فتحتيهم..
3- تزينين كل نص بيضه بعد ماتخلصين بحبة عين جمل كاملة بعدين تصبين فوقهم صوص التوفي..
4- تزينين طبق التقديم بأنك تفرشين مقدار من الشعيريه الباكستانيه عشان تعطي زي شكل العش بعدين تصفين البيض فوق الشعيريه..
طريقة عمل صوص التوفي:( المقادير: 1كأس سكر- 4/1 إصبع زبدة -ملعقة قشطة - بيالة حليب سائل - 1ملعقة قرفه +شكولاته بودره نسكويك+سكر )..
(الطريقة:نحط السكر والزبده على النار الين يذوب السكر ويشقر تشقير خفيف ويرفع عن النار وبسرعه نضيف القشطه والحليب والقرفه والنسكويك والسكرويحرك جيدا ثم يوضع على نار خفيفه مع التحريك المستمر الين تذوب وتتجانس وتثقل وانتبهي لها لا تحترق أو يغمق لونها مره يعني يكون لونها بني فاتح تقريبا وبعدين تشيلينها من على النار)...........وبالهنا والعافيه..
وادعولي ان ربي يوفقني لما يحب ويرضا وان يسعدني في حياتي..