حلى رنو

بسم الله الرحمن الرحيم
جايبتلكم اليوم حلى مرة لذيذ وسهل وماياخذ وقت لما تسوينه وأسمه
حلى رنو
ويتكون من عدة طبقات
المقادير
الطبقة الأولى
كيس شعيرية باكستانية
زبدة
الطبقة الثانية :
4 كاسات حليب سائل.
2 باكو كريم كراميل .
الطبقة الثالثة :
بسكوت ماري
الطبقة الرابعة :
4 قطع جبنة كيري
2 باكو دريم ويب
علبة حليب نستلي مركزة كبيرة
علبة قشطة التاج
الطريقة :
الطبقة الأولى:
نحمص الشعيرية فالزبدة على النار لين مايسمر لونها ...وبعد كذا نجيب صينية الحلى ونوزع فيها الشعيرية
الطبقة الثانية:
نجيب قدر ونحط فيه الحليب كله وبعد دقايق نضيف الكريم كراميل ونتركه يفور بس لمجرد دقيقتين ومانسيبه
على النار كثير ..
وبعد مايفور نصب الخليط على الشعيرية ونسوي سطحها لين ماتتغطى بالكامل بالحليب..
الطبقة الثالثة:
نوزع البسكويت على الخليط السابق ونغطي كامل السطح بالبسكوت..
الطبقة الرابعة:
نحط الكيري والنستله والدريم ويب والقشطة فالخلاط ونخلها لين ماتصير خليط متجانس ..
بعد ماتصير خليط متجانس نصبه على البسكوت بشكل متساوي....
ونزين الحلى بالفتات البسكوت او بأي طريقة تعجبك
وبعد ذلك نحطه فالتلاجة الين مايبرد ويجمد شوية وبالهناء والشفاء مع القهوة العربية .....